नेहमीच आपल्या फॅशनमुळे चर्चेत राहणारी स्पृहा जोशी सध्या आगामी बॉलिवूड चित्रपटामुळे चर्चेत आली आहे. आतापर्यंत अनेक मराठी चित्रपटांतून आणि मालिकेतून चाहत्यांचे निखळ मनोरंजन केल्यानंतर अभिनेत्री लवकरच एका बॉलिवूड चित्रपटामधून प्रेक्षकांच्या भेटीला येणार आहे. ‘सब मोह माया है’ या चित्रपटातून स्पृहा बॉलिवू़ड चित्रपटामध्ये दिसणार आहे. तिच्यासोबत मुख्य भूमिकेत शर्मन जोशीही दिसणार आहे. एक गंभीर विषय हलक्या फुलक्या पद्धतीने मांडण्याचा प्रयत्न लेखकाने केला आहे. (Bollywood)
अभिनेत्रीने ट्रेलर सोशल मीडियावर शेअर केला आहे. ट्रेलर शेअर करताना स्पृहाने “बाप के बदले नौकरी, नौकरी के बदले बाप? कितना भारी पडेगा ये सौदा फॉर मिश्रा परिवार”, असं कॅप्शन लिहीत तिने नव्या हिंदी चित्रपटाचा ट्रेलर शेअर केला आहे. (Bollywood Film)
शेअर केलेल्या ट्रेलरमध्ये, सरकारी नोकरीसाठी काय काय खोटे नाटक करतात, हे ट्रेलरमध्ये पाहायला मिळत आहे. स्पृहाने चित्रपटामध्ये शर्मन जोशीच्या पत्नीचे पात्र साकारले. शिवाय ज्येष्ठ अभिनेते अन्नू कपूर यांनी शर्मनच्या वडिलांचे पात्र साकरले आहे. हा चित्रपट १८ नोव्हेंबरला प्रदर्शित होणार आहे. (Actress)
गंभीर विषय असलेल्या चित्रपटाची कथा लेखकांनी अगदीच हलक्या फुलक्या पद्धतीने मांडण्याचा प्रयत्न केला आहे. ट्रेलर शेअर करताच स्पृहावर चाहत्यांकडून शुभेच्छांचा वर्षाव होत आहे. स्पृहाचे चाहते या चित्रपटासाठी खूपच उत्सुक आहे. स्पृहा जोशीच्या वर्कफ्रंटबद्दल बोलायचे तर, ‘संकर्षण व्हाया स्पृहा’ या कविताचे कार्यक्रम आणि तिच्या आगामी प्रोजेक्टच्या शूटमध्ये व्यग्र आहे. स्पृहा याआधी काही बॉलिवूड चित्रपट आणि वेबसीरीजमध्ये दिसली आहे. (Entertainment News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.