मराठी अभिनेत्री प्रार्थना बेहेरे (Prarthana Behere) कायम तिच्या अभिनयासाठी ओळखली जाते. आजवर तिने अनेक मराठी आणि हिंदी मालिकांमध्ये काम केले आहे. तसेच मराठी चित्रपटात आपल्या अभिनयाने चाहत्यांना वेड लावले आहे. प्रार्थनाचा मोठा चाहता वर्ग आहे. नुकतीच प्रार्थनाने सोशल मीडियावर एक पोस्टशेअर केली आहे. प्रार्थनाच्या चाहत्यांनासाठी ही काळजीची बातमी आहे.

प्रार्थना बेहेरेच्या पायाला गंभीर दुखापत (Knee Surgery ) झाली आहे. ज्याची माहिती तिने इन्स्टाग्रामवर फोटो शेअर करून आपल्या चाहत्यांना दिली आहे. प्रार्थनाच्या डाव्या पायाला दुखापत झाली आहे. तिने नुकतीच पायाची शस्त्रक्रिया देखील केली आहे. फोटोमध्ये प्रार्थना सोफ्यावर बसलेली पाहायला मिळत आहे. तिच्या पायाला बँडेज लावलेले दिसत आहे. फोटोमध्ये तिच्या घराच्या भिंतीवर लावलेले सुंदर फोटो देखील दिसत आहे. ज्यात प्रार्थना आणि तिच्या नवऱ्याचे क्युट क्षणांचे फोटो फ्रेम दिसत आहेत.

प्रार्थना बेहेरे शस्त्रक्रियेनंतर घरी आराम करताना दिसत आहे. तसेच पुढचे काही दिवस ती असाच आराम करणार असल्याचे तिने पोस्टमध्ये म्हटले आहे. प्रार्थना बेहेरेने या पोस्टला एक कॅप्शन दिलं आहे. तिने लिहिलं की, "पुढील काही आठवड्यांसाठी माझ्या डोळ्यासमोरचा हा सुंदर व्ह्यू...कोणतीही तक्रार नाही! गुडघ्याच्या शस्त्रक्रिया..." तिच्या या पोस्टवर चाहते आणि नेटकऱ्यांकडून कमेंट्सचा वर्षाव होत आहे. चाहते तिच्यासाठी काळजी दाखवत आहेत. तर ती लवकर बरी होण्याची इच्छा व्यक्त करत आहेत.

प्रार्थना बेहेरेचे चाहते तिच्या आगामी प्रोजेक्टची आतुरतेने वाट पाहत आहेत. अलिकडेच प्रार्थना 'चिकी चिकी बुबूम बुम' चित्रपटातून चाहत्यांच्या भेटीला आली होती. या चित्रपटाला प्रेक्षकांकडून चांगला प्रतिसाद मिळाला.