मनोरंजन विश्वातील आणखी एक अभिनेत्री बिझनेसवुमन झाली आहे. मराठी अभिनेत्रीने हॉटेल व्यवसायात पदार्पण केले आहे. 'सुख म्हणजे नक्की काय असतं' फेम अभिनेत्री माधवी निमकरने उंच भरारी घेतली आहे. सोशल मीडियावर पोस्ट शेअर करून अभिनेत्रीने आपल्या नवीन सुरुवातीची माहिती चाहत्यांना दिली आहे..

माधवी निमकरने एक व्हिडीओ शेअर करून चाहत्यांना मोठे सरप्राइज दिले आहे. माधवी निमकरच्या नव्याकोऱ्या हॉटेलचे नाव 'कल्याणमस्तु' असे आहे. या हॉटेलचे ग्रँड ओपनिंग १५ जुलै २०२६ ला संध्याकाळी पार पडणार आहे. 'कल्याणमस्तु' चे लोकेशन मुंबईजवळ कल्याण येथे आहे. "कल्याणमस्तु, स्वाद आणि आशीर्वाद…" अशी टॅगलाईन देण्यात आली आहे. अभिनेत्रीच्या या नवीन व्यवसायाला प्रेक्षक आणा चाहते भरभरून प्रेम करताना दिसत आहे.

माधवी निमकरने शेअर केलेल्या व्हिडीओवर चाहते आणि कलाकार मंडळी कमेंट्स आणि शुभेच्छांचा वर्षाव करत आहेत. तसेच तिचे कौतुक देखील करत आहेत. मराठी इंडस्ट्रीतील अनेक कलाकारांनी हॉटेल व्यवसाय सुरू केला आहे. यात श्रेया बुगडे, समीर खांडेकर, मृणाल दुसानीस, ऋतुजा बागवे, अनघा अतुल यांचा समावेश आहे.

माधवी निमकर टिव्हीचा प्रसिद्ध चेहरा आहे. आजवर तिने अनेक चित्रपट, नाटक आणि मालिकांमध्ये काम केले आहे. 'हम तो तेरे आशिक है', 'स्वप्नांच्या पलीकडे', 'सुख म्हणजे नक्की काय असतं' या मालिकांचा समावेश आहे. सध्या माधवी निमकर 'स्टार प्रवाह' वाहिनीवरील 'तुझ्या सोबतीने’ या मालिकेत झळकत आहे. तिच्या अभिनयाचे सर्वत्र कौतुक होताना दिसत आहे.