Famous Actress : प्रसिद्ध अभिनेत्रीवर कोसळला दु:खाचा डोंगर; वडिलांचे निधन, भावुक पोस्ट शेअर

मनोरंजन विश्वातून दुःखद बातमी समोर आली आहे. प्रसिद्ध भोजपुरी चित्रपट इंडस्ट्रीतील अभिनेत्री काजल राघवानीवर दुःखाचा डोंगर कोसळला आहे. नुकतेच तिच्या वडिलांचे निधन झाले. तिने वडिलांचे निधनाची बातमी सोशल मीडियावर एक भावनिक पोस्ट शेअर करून दिली आहे. काजल राघवानीने आजवर अनेक सुपरहिट चित्रपटांमध्ये काम केले आहे.

काजल राघवानीची पोस्ट

"बाबा

तुझ्या जाण्याने माझ्या आयुष्याचे असह्य नुकसान झाले आहे. तुम्ही दिलेले संस्कार आणि तुमच्या आठवणी सदैव माझ्यासोबत राहतील. ईश्वर तुमच्या पुण्यवान आत्म्यास त्यांच्या चरणी स्थान देवो...

भावपूर्ण श्रद्धांजली!"

काजल राघवानीच्या वडिलांच्या निधनाची बातमी समजताच तिच्या चाहत्यांनी आणि भोजपुरी इंडस्ट्रीतील अनेक कलाकारांनी अभिनेत्रीच्या वडिलांना श्रद्धांजली वाहिली आणि शोक व्यक्त केला. तसेच चाहते पोस्टवर कमेंट करत अभिनेत्रीला धीर देताना दिसत आहेत. या कठीण काळात चाहते आणि मनोरंजन विश्व अभिनेत्रीसोबत आहे.

काजल राघवानी कोण?

काजल राघवानी हे भोजपुरी चित्रपटसृष्टीतील एक सुप्रसिद्ध नाव आहे. तिने अनेक भोजपुरी चित्रपट आणि गाण्यांमध्ये आपल्या अभिनयाने चारचाँद लावले आहे. ती सोशल मीडियावरही खूप सक्रिय असते. तिचे इन्स्टाग्राम 5.7 मिलियन फॉलोअर्स आहेत. काजल लवकरच 'भोजपुरी बावल' या रिॲलिटी शोमध्ये दिसणार आहे.