मनोरंजन विश्वातून आनंदाची बातमी समोर आली आहे. प्रसिद्ध मराठी अभिनेत्रीच्या घरी लगीन घाई पाहायला मिळत आहे. 'तुला पाहते रे' फेम अभिनेत्री गायत्री दातार लवकरच लग्न बंधनात अडकणार आहे. लग्नाआधीच्या कार्यक्रमांना सुरूवात झाली आहे. गेल्यावर्षी म्हणजेच २५ डिसेंबर २०२५ ला सोशल मीडियावर एक खास पोस्ट शेअर करून गायत्रीने आपल्या प्रेमाची कबुली दिली होती.

केळवण, ग्रहमख विधीनंतर आता गायत्री दातारच्या मेहंदी सोहळ्याचे सुंदर फोटो समोर आले आहेत. यात ती होणाऱ्या नवऱ्यासोबत रोमँटिक पोज देताना दिसत आहे. गायत्री दातारच्या होणाऱ्या नवऱ्याचे नाव श्रीकांत चवारे असे आहे. गायत्रीच्या हातावर श्रीकांतच्या नावाची मेहंदी रंगली. गायत्रीने शेअर केलेल्या फोटोंमध्ये दोघे खूप आनंदी आणि सुंदर दिसत आहे.

गायत्री दातारने मेहंदीसाठी फ्लोरल प्रिंट असलेला मेहंदी कलरचा सुंदर ड्रेस परिधान केला आहे. केसात फुल माळले आहे. मिनिमल मेकअप आणि मॅचिंग ज्वेलरीसोबत तिने हा लूक पूर्ण केला आहे. तर श्रीकांतने कुर्ता-पजामा आणि त्यावर गायत्रीच्या ड्रेसला मॅचिंग असे जॅकेट परिधान केले आहे. त्यांच्या फोटोंवर चाहते आणि कलाकारांकडून शुभेच्छांचा वर्षाव होत आहे. गायत्री आणि श्रीकांतची लव्हस्टोरी अगदी फिल्मी आहे. दोघांची ओळख एका डेटिंग अ‍ॅपवर झाली होती.

गायत्री दातारचा होणारा नवरा कोण?

गायत्री दातारच्या होणाऱ्या नवऱ्याचे नाव श्रीकांत चवारे असे आहे. त्याने IIT Bombay मधून शिक्षण पूर्ण केले आहे. तो ड्रोन फोटोग्राफरही आहे. त्याला ट्रॅव्हल आणि फोटोग्राफीची आवड आहे.

गायत्री दातार वर्कफ्रंट

गायत्री दातारने आजवर अनेक मालिका, चित्रपट आणि नाटकांमध्ये काम केले आहे. तिची 'तुला पाहते रे' ही मालिका खूप गाजली. ती 'बिग बॉस मराठी' देखील झळकली. 'अबीर गुलाल' या मालिकेत दिसली.