मराठमोळ्या अभिनेत्रीनी आता बिझनेसवुमन झाल्या आहेत. आजवर अभिनेत्री तितीक्षा तावडे (Titeeksha Tawade) , सुरुची अडारकर (Suruchi Adarkar) आणि ऐश्वर्या नारकर (Aishwarya Narkar ) यांनी आपल्या अभिनयाने प्रेक्षकांची मने जिंकली आहेत. आता या तीन मैत्रिणींनी व्यवसाय क्षेत्रात पदार्पण केले आहे. याचा खास पोस्ट यांनी सोशल मीडियावर शेअर करून चाहत्यांना आनंदाची बातमी दिली आहे. ऐश्वर्या नारकर, तितीक्षा तावडे आणि सुरुची अडारकर यांनी मिळून एक क्लोथिंग ब्रँड लाँच केला आहे.

ब्रँडचे नाव काय?

ऐश्वर्या नारकर, तितीक्षा तावडे आणि सुरुची अडारकर यांनी सोशल मीडियावर एक व्हिडीओ शेअर केला आहे. ज्यातून त्यांनी आपल्या नवीन व्यवसायाची सर्व माहिती चाहत्यांना दिली आहे. तिघांनी देखील सुंदर साड्या नेसल्या आहेत. तिघी देखील खूपच गोड दिसत आहे. त्यांची मैत्री या व्हिडीओतून घट्ट असल्याचे दिसत आहे. ऐश्वर्या-तितीक्षा-सुरुचीच्या नव्याकोऱ्या ब्रँडचे नाव 'थ्रेड अँड ठुमका By Tasvi' ( Thread & Thumka by Tasvi) असे आहे. यात तुम्हाला सुंदर साड्या पाहायला मिळणार आहेत. या व्हिडीओला खूप खास कॅप्शन दिले आहे. तसेच त्यांनी पहिली ऑफर देखील सांगितली आहे.

ऐश्वर्या-तितीक्षा-सुरुची पोस्ट

"आम्ही आज 'थ्रेड अँड ठुमका By Tasvi' हा ब्रँड लाँच करत आहोत. सुंदरता आणि भरपूर देसी ग्लॅमसाठी आमच्यासोबत तयार रहा...आत्ताच आम्हाला फॉलो करा आणि 10% सूटचा मिळवा...आमच्या पहिल्या 100 फॉलोअर्ससाठी खास...खास लाँच किंमतीत स्वतःला सुंदर पाहण्याची संधी गमावू नका. आम्ही तुमच्यासाठी फ्रेश आणि आकर्षक रंगांचे कलेक्शन घेऊन आलो आहोत. सॉफ्ट पेस्टलपासून ते बोल्ड फेस्टिव्ह टोनपर्यंत, प्रत्येक शेड काळजीपूर्वक निवडली जाते जेणेकरून प्रत्येक मूड आणि क्षणाला पूरक ठरेल."

वर्कफ्रंट

'सातव्या मुलीची सातवी मुलगी' या मालिकेत अभिनेत्री ऐश्वर्या नारकर, सुरुची अडारकर आणि तितीक्षा तावडे एकत्र आपल्याला पाहायला मिळाल्या आहेत. तर सुरुची अडारकरला 'का रे दुरावा' मधून खूप लोकप्रियता मिळाली आहे. सध्या या तिघांवर चाहते आणि कलाकार मंडळींकडून प्रेमाचा, कौतुकाचा आणि शुभेच्छांचा वर्षाव होत आहे.