सध्या सर्वत्र 'छावा' (Chhaava) चित्रपटाची चर्चा पाहायला मिळत आहे. 'छावा' चित्रपट पाहण्यासाठी प्रेक्षक आतुर आहेत. 'छावा' चित्रपट 14 फेब्रुवारीला प्रेक्षकांच्या भेटीला येणार आहे. चित्रपटाचा ट्रेलर रिलीज झाल्यानंतर अनेक वाद-विवाद सुरू झाले आहेत. मात्र तरी देखील प्रेक्षक चित्रपट पाहण्यास आतुर असल्याचे पाहायला मिळत आहे. 'छावा' चित्रपटात मराठी कलाकार देखील पाहायला मिळत आहेत.

विकी कौशलच्या 'छावा' चित्रपटात मराठमोळा अभिनेता संतोष जुवेकर (Santosh Juvekar) पाहायला मिळत आहे. त्याने चित्रपटात रायाजीची भूमिका साकारली आहे. नुकताच मिडिया मुलाखतीत संतोषने चित्रपटाचा अनुभव सांगितला आहे. राजश्री मराठीने घेतलेल्या मुलाखतीत संतोषला प्रश्न करण्यात आला की,'छावा' चित्रपटात असे अनेक सीन असतील जे करताना अंगावर काटा आला असेल, असा कोणता अनुभव सांगशील?

संतोष जुवेकर उत्तर देत म्हणाला की, संभाजी महाराजांच्या राज्याभिषेकाचा सीन भारी शूट करण्यात आला. गाणे संपल्यावर जो सीन सुरू होतो, तो भन्नाट आहे. तो सेट पाहून मी वेडा झालो. राज्याभिषेकासाठी रायगडाचा जो सेट उभारण्यात आला होता. सभामंडप, सिंहासन पाहून माझ्या डोळ्यात पाणी आले होते. जेव्हा विकीची सेटवर एन्ट्री होते आणि शिवगर्जना ऐकू येते. तेव्हा ती जबरदस्त पावर प्रत्येकाला फील झाली. तेव्हा अस झालं की, ती महाराजांची पावर सेटवर निर्माण होते."

'छावा' चित्रपटात बॉलिवूड अभिनेता विकी कौशलसोबत दाक्षिणात्य अभिनेत्री रश्मिका मंदाना पाहायला मिळत आहे. मराठी अभिनेता संतोष जुवेकर आजवर अनेक मराठी आणि हिंदी चित्रपटात काम केले आहेत. त्याचे मोरया, झेंडा, फक्त लढ म्हणा आणि रेगे हे चित्रपट खूप गाजले आहेत.