मराठी मनोरंजनविश्वातील आघाडीच्या अभिनेत्यांपैकी एक म्हणजे पुष्कर जोग (Pushkar Jog). पुष्कर जोग अनेक चित्रपट, मालिकांच्या माध्यमातून चाहत्यांच्या भेटीला आला आहे. पुष्कर जोग सध्या 'धर्मा- दी एआय स्टोरी' (Dharma-The Ai story) या चित्रपटाचे शुटिंग करत आहे. चित्रपटाच्या शुटिंगदरम्यान पुष्करला गंभीर दुखापत झाली होती. त्यानंतर आता पुन्हा मुंबईत चित्रपटाचे शुटिंग सुरु झाले आहे.

पुष्कर जोगने काही दिवसांपूर्वी सोशल मीडियावर स्टोरी शेअर करत त्याला चित्रपटाचे शुटिंग करताना गंभीर दुखापत झाल्याचे सांगितले होते. धर्मा- दी एआय स्टोरी या चित्रपटाचे शुटिंग स्कॉटलँडमध्ये सुरु होते. स्कॉटलँडमध्ये एक अॅक्शन सीन करताना त्याला दुखापत झाली होती.या अपघातात त्याच्या गुडघ्याला आणि हाताला जबर मार बसला आहे. यावेळी पुष्करच्या चाहत्यांनी तो लवकर बरा व्हावा यासाठी प्रार्थना केली होती. यानंतर आता या दुखापतीनंतर पुष्कर पुन्हा एकदा चित्रपटाच्या शुटिंगसाठी तयार झाला आहे.

पुष्कर जोग दुखापतीनंतर पुन्हा एकदा मुंबईत परतला असून नव्या उत्साहात चित्रपटाचे शुटिंग करणार आहे. पुष्करच्या वर्कफ्रंटबद्दल बोलायचे तर तो सध्या 'धर्मा- दी एआय स्टोरी' चित्रपटाचे शुटिंग करत आहे. एआयच्या जगात आपल्या मुलीला शोधण्याची धडपड करणारा प्रवास चित्रपटाच्या माध्यमातून पाहायला मिळणार आहे.