मुंबई: बॉलिवूड अभिनेत्री मलायका अरोरा तिच्या फॅशनस्टाईलसह फिटनेससाठी ओळखली जाते. अनेकदा मलायका तिचे फोटो सोशल मीडियावर चाहत्यांसोबत शेअर करते. मलायकाच्या कर्वी फिगर आणि मादक अदेने चाहते तिच्यावर फिदा आहेत. यासाठी मलायका तिच्या फिटनेसवर विशेष भर देते. सोशल मीडियावर मलायकाचे व्हिडीओ नेहमीच तूफान व्हायरल होत असतात

सोशल मीडियावर मलायकाची सडपातळ फिगर चाहत्यांना आवडते. मलायका कायमच तिचे फोटो आणि व्हीडिओ शेअर करत असते. यासाठी मलायका जिममध्ये वर्कआऊट करते. अनेकदा मलायका जिमच्या बाहेर येताच पापाराझी तिला कॅमेऱ्यात टिपण्यासाठी एकच गर्दी करतात. आता मलायकाला पाहून तिच्या एका फॅन्सने गाठले आहे.यादरम्यानचा मलायकाचा व्हिडीओ सोशल मीडियावर व्हायरल होत आहे.

बॉलिवूडच्या प्रसिद्ध वृत्त छायचित्रकारने मलायकाचा हा व्हिडीओ शेअर केला आहे. मलायका जिमच्या येथे गाडीतून बाहेर येताच एक चाहता फोटो काढण्यासाठी धावपळ करत आहे. चाहत्याची धडपड पाहून मलायकाही आश्चर्यचकित होते. मलायकासमोर तिचा चाहता त्याचा फोन घेऊन सेल्फी घेण्यासाठी प्रेरित करतोय. मलायकाही थांबून त्याच्या सोबत फोटो काढते आहे. या व्हीडिओमध्ये मलायका ब्लॅक आणि व्हाईट जिम सूटमध्ये ग्लॅमरस दिसत आहे. सोशल मीडियावर मलायकाची व्हीडिओ सध्या व्हायरल होत आहे. मलायकाच्या या व्हिडीओवर नेटकऱ्यांनी भन्नाट कमेंट्स केल्या आहेत.