बॉलिवूड अभिनेत्री माधुरी दीक्षित (Madhuri Dixit) कायम कोणत्या ना कोणत्या कारणामुळे चर्चेत असते. तिच्या सौंदर्याचे आणि अभिनयाचे लाखो चाहते दिवाने आहेत. ती सोशल मीडियावर कायम सक्रिय असते. आपले सुंदर फोटो आणि डान्स रील कायम शेअर करते. नुकतीच तिने इन्स्टाग्रामवर एक व्हिडीओ शेअर केला आहे. ज्यात ती एका जुन्या गाण्यावर थिरकताना दिसत आहे.

माधुरी दीक्षित यांनी किशोर कुमार, आशा भोसले यांच्या 'इंताहा हो गई इंतेजार की'(Intaha Ho Gai Intezar Ki) या गाण्यावर डान्स केला आहे. हे गाणे 1984 मध्ये रिलीज झालेल्या 'शराबी' (Sharaabi ) चित्रपटातील आहे. माधुरी दीक्षितने व्हिडीओला खूप हटके कॅप्शन दिले आहे. तिने लिहिलं की," A little 80s charm, a whole lot of 2025 glam" माधुरी दीक्षितच्या या डान्स व्हिडीओवर चाहते आणि कलाकारांकडून कमेंट्सचा, कौतुकाचा वर्षाव होत आहे.

माधुरी दीक्षितने ही डान्स रील घरी शूट केली आहे. ज्यामुळे तिच्या सुंदर घराची एक झलक देखील व्हिडीओत पाहायला मिळत आहे. व्हिडीओत माधुरी संपूर्ण घरभर फिरताना दिसत आहे. तिच्या घरात सुंदर पेंटिंग पाहायला मिळत आहे. माधुरीने ऑफ व्हाइट रंगाचा पंजाबी स्टाइल सूट परिधान केला आहे. मोकळे केस, मॅचिंग ज्वेलरी आणि मिनिमल मेकअप करून तिने हा लूक पूर्ण केला आहे.

माधुरी दीक्षित कायम भन्नाट रीलचे व्हिडीओ शेअर करत असते. याआधी तिने माधुरी दीक्षित आणि त्यांच्या मैत्रिणी 'कहीं आग लगे लग जावे' गाण्याच्या हुक स्टेपवर भन्नाट थिरकले होते. व्हिडीओमध्ये माधुरी गॉगल लावून स्वॅगमध्ये डान्स करताना दिसल्या. 1999 साली रिलीज झालेल्या 'ताल' चित्रपटातील हे गाणे आहे. चित्रपटात ऐश्वर्या राय बच्चन, अक्षय खन्ना आणि अनिल कपूर मुख्य भूमिकेत आहेत.