बॉलिवूडला अनेक सुरेल आवाजाचे गायक लाभले आहेत. कोणताही चित्रपट गाण्यांशिवाय अधूरा आहे. गाणी चित्रपटाचे सौंदर्य वाढवतात. आज अशाच एका गायकाचा वाढदिवस आहे. ज्यांना बॉलिवूडमध्ये 'रोमँटिक गाण्यांचे बादशाह' म्हणून ओळखले जाते. ते प्रसिद्ध गायक म्हणजे अनेकांचे आवडते गायक उदित नारायण (Udit Narayan Birthday) होय.

गायक उदित नारायण यांनी ९०चे दशक गाजवले आहेत. त्यांच्या सुरेल आवाजाने त्यांनी प्रेक्षकांना वेड लावले आहे. त्यांच्या गाण्यांची आजही भन्नाट क्रेझ पाहायला मिळते. अशा गायक उदित नारायण यांचा आज (1 डिसेंबर) रोजी वाढदिवस आहे.

उदित नारायण यांचा जन्म बिहारमध्ये झाला. यांनी अनेक हिंदी, तमिळ, बंगाली, मल्याळम अशा विविध भाषांमध्ये गाणी गायली आहेत. आज या दिग्गज गायकाचा 69वा वाढदिवस आहे. त्यांनी अनेक चित्रपटात प्लेबॅक सिंगर म्हणूनही काम केले आहे. तसेच त्यांचे अनेक अल्बमही गाजलेले आहे. उदित नारायण यांनी आपल्या करिअरची सुरुवात नेपाळी इंडस्ट्रीतून केली. मात्र बॉलिवूडमध्ये त्यांचे नशीब या गाण्यामुळे उजळले आणि ते प्रसिद्धीच्या झोतात आले.

उदित नारायण यांचे 'पापा कहता है बडा नाम करेगा' हे गाणे खूप जास्त लोकप्रिय झाले. या गाण्यामुळे खऱ्या अर्थाने उदित नारायण यांच्या करिअरला सुरूवात झाली. यानंतर त्यांनी अनेक हिट गाणी गायली. त्यांचे 'पापा कहता है बडा नाम करेगा' हे गाणे खूप सुपरहिट झाले. हे गाणे 'कयामत से कयामत तक' या चित्रपटातील आहे. या चित्रपटात आमिर खान मुख्य भूमिकेत आहे. तसेच या गाण्यासाठी उदित नारायण यांना अनेक पुरस्कार देखील देण्यात आले.

उदित नारायण यांचा मुलगा आदित्य नारायण देखील प्रसिद्ध गायक आहे. त्याने देखील आपल्या सुरेल आवाजाने चाहत्यांना वेड लावले आहे. अनेक वेळा हे बाप-लेक एकत्र गाणी गाताना कार्यक्रमात पाहायला मिळतात. आदित्य नारायण हे एक अभिनेता आणि उत्तम होस्ट देखील आहे.