Sulochana Chavan Life Journey: मनोरंजन विश्वासाठी एक दुःखद घटना घडली आहे. लावणीसम्राज्ञी सुलोचना चव्हाण यांचे आज वयाच्या ८९ व्या वर्षी निधन झाले आहे. सुलोचना चव्हाण यांनी त्यांच्या आवाजाने रसिकांच्या मनावर राज्य केले. त्यांचं अनेक लावण्या आजही प्रेक्षकांच्या मनात जिवंत आहेत.

सुलोचना चव्हाण यांचा जन्म मुंबईमध्ये झाला. लग्नाधीचे त्यांचे नाव सुलोचना महादेव कदम असे होते. त्या चौथीपर्यंत शिकल्या होत्या. वयाच्या दहाव्या वर्षी त्यांना प्रथम गाण्याची संधी मिळाली. वयाच्या अकराव्या वर्षांपासून सुलोचना यांनी पार्श्वगायन करण्यास सुरूवात केली.

सुलोचना यांनी कोणत्याही प्रकारचे संगीताचे शिक्षण घेतले नव्हते. आवड म्हणून त्या संगीत क्षेत्राकडे वळल्या होत्या. कोणतेही गाणे गाण्याआधी त्या ते संगीतकाराकडून समजून घेत असत. सुलोचना यांनी मराठीसह हिंदी, पंजाबी, गुजराती आणि उर्दूमध्येही गाणी गायली आहेत. (Actress)

वयाच्या विसाव्या वर्षी त्यांचे कोल्हापूरच्या श्यामराव चव्हाण यांच्याशी लग्न झाले. श्यामराव यांनाही संगीताची आवड होती. श्यामराव उत्तम तबला वादक होते. लावणी गाण्याचे प्रशिक्षण सुलोचना यांनी त्यांचे पती श्यामराव यांनी दिले होते. म्हणून सुलोचना त्यांच्या पतींना त्यांचे गुरू मानतात.

सुलोचना चव्हाण यांनी १९६२ साली आलेला चित्रपट 'रंगल्या रात्री'मध्ये पहिल्यांदा लावणी गायली. नाव कशाला पुसता, मला हो म्हणतात लवंगी मिरची या लावण्यांनी त्यांच्या आयुष्याला कलाटणी मिळाली.

'खेळताना रंग बाई होळीचा', 'पदरावरती जरतारीचा मोर नाचरा हवा', 'सोळावं वरीस धोक्याचं', 'फड सांभाळ तुऱ्याला ग आला', 'राग नका धरू सजना', 'पाडाला पिकला आंबा', 'लाडे लाडे बाई करू नका' या त्यांच्या गाजलेल्या लावण्या आहेत. (Song)

२०१० साली सुलोचना यांनी राज्यशासनाचा संगीत क्षेत्रातील अत्यंत मनाचा 'गानसम्राज्ञी लता मंगेशकर' पुरस्कार मिळाला. २०२२ साली भारत सरकारने 'पद्मश्री' हा पुरस्कार देऊन त्यांचा गौरव केला. सुलोचना चव्हाण यांनी 'माझं गाणं... माझं जगणं' हे आत्मचरित्र लिहिलं आहे.