अभिनेता आमिर खान आणि दिग्दर्शिका किरण राव यांचा तीन वर्षांपूर्वी घटस्फोट झाला. आमिर आणि किरण घटस्फोटानंतरही अनेकदा एकत्र स्पॉट झालेले आहेत. घटस्फोटानंतरही हे दोघेही चांगले मित्र आहेत. गेल्या काही दिवसांपूर्वी आमिरची लेक आयराचं लग्न झालं. यावेळीही किरण राव लग्नात सहभाग झाली होती. नुकतंच किरणने एक मुलाखत दिली आहे, लग्नाआधी आमिर आणि किरण वर्षभर लिव्ह-इन रिलेशनमध्ये राहत होते, असा खुलासा तिने स्वत: मुलाखतीत केला आहे.

एका यूट्यूब चॅनलला किरण रावने मुलाखत दिली आहे. त्या मुलाखतीत तिला विवाहसंस्थेवर पुन:र्विचार करणे गरजेचे आहे का? असा प्रश्न विचारला. यावर तिने प्रतिक्रिया दिली की, “आमिर आणि मी लग्नापूर्वी एक वर्षापासून एकत्र राहत होतो. खरंतर आम्ही लग्न आई- वडिलांच्या दबावामुळे केलं. त्यांना वाटत होतं की, आम्ही लग्न करुन एकत्र राहावं. लग्न ही एक उत्तम संस्था आहे. मला वाटते की, लग्नामुळे तुम्हाला अनेक चांगल्या गोष्टी मिळतात, नवीन कुटुंब मिळतं, नवीन नातेसंबंध मिळतात आणि त्यासोबतच लग्न तुम्हाला सुरक्षिततेची आणि स्थिरतेची भावना देतं.”

लग्नानंतर नात्यात समान जबाबदाऱ्या नसतात. प्रत्येक कामाची जबाबदारी स्त्रीवर टाकली जाते. याबद्दल किरण राव म्हणाली, “स्त्रियांवर अनेक जबाबदाऱ्या असतात. तिला घर चालवायचं असतं, कुटुंबाला एकत्र ठेवायचं असतं. महिलांना या परिस्थितीत स्वतःसाठी कमी वेळ मिळतो. लग्नानंतर महिलांकडून पतीकडील कुटुंबीयांची नाती जपणं अपेक्षित असते. त्यांच्याकडून खूप अपेक्षा ठेवतात. या गोष्टीवर चर्चा व्हायला हवी.” किरण आणि आमिरने २०२१ मध्ये एकमेकांपासून घटस्फोट घेतला. लग्नाच्या १६ वर्षांनंतर यांनी घटस्फोटाचा निर्णय घेतला होता आहे.