बॉलिवूड अभिनेता कार्तिक आर्यन (Kartik Aaryan) कायम त्याच्या चित्रपटांमुळे चर्चेत असतो. कार्तिक आर्यनचा 'भूल भुलैय्या' चित्रपट खूप गाजला. आज (1 नोव्हेंबर 2024) 'भूल भुलैय्या 3' रिलीज होऊन एक वर्ष पूर्ण झाले आहे. यासंबंधित एक खास पोस्ट कार्तिक आर्यनने शेअर केली आहे. ज्याने सर्वांचे लक्ष वेधून घेतले आहे. कार्तिक आर्यनने 'भूल भुलैय्या 3' च्या रिलीज डेटलाच आपल्या नवीन चित्रपटाच्या शूटिंग सुरू केली आहे.

कार्तिक आर्यन 'नागझिला' या चित्रपटातून प्रेक्षकांच्या भेटीला येणार आहे. चित्रपटाच्या शूटिंगला आजपासून सुरुवात झाली आहे. 'नागझिला' चित्रपटाच्या नावाचा क्लॅपबोर्ड धरून हसतानाचा एक खास फोटो शेअर केला आहे. या फोटोला कार्तिक आर्यनने खूप हटके कॅप्शन दिले आहे. त्याने लिहिलं की, "'भूल भुलैय्या 3' ला 1 वर्ष पूर्ण झाले... 'नागझिला' चित्रपटाच्या शूटिंगचा पहिला दिवस...हर हर महादेव!" तसेच त्याने पोस्टमध्ये नवीन चित्रपटाची रिलीज डेटही जाहीर केली आहे.

कार्तिक आर्यनच्या या पोस्टवर चाहते, कलाकार मंडळी यांच्याकडून कमेंट्स, कौतुकाचा वर्षाव होत आहे. चाहते कार्तिक आर्यनचा नवीन चित्रपट पाहण्यासाठी खूपच उत्सुक आहे. कारण कार्तिक या चित्रपटात एका वेगळ्या रुपात, अंदाजात पाहायला मिळणार आहे. 'नागझिला' चित्रपटाचे दिग्दर्शक मृगदीप सिंग लांबा आहेत. एप्रिल महिन्यात 'नागझिला'चे पोस्टर रिलीज करण्यात आले होते. त्यात कार्तिक आर्यन नागाच्या रुपात पाहायला मिळाला.

चित्रपटाची रिलीज डेट

कार्तिक आर्यनचा नवीन चित्रपट 'नागझिला' 14 ऑगस्ट 2026 ला प्रेक्षकांच्या भेटीला येणार आहे. 'नागझिला' हा कॉमेडी चित्रपट असल्याचे बोले जात आहे.चित्रपटात कार्तिक आर्यन नागाच्या भूमिकेत दिसत असून नागीणीच्या भूमिकेत कोणती अभिनेत्री पाहायला मिळणार याची चर्चा सोशल मीडियावर रंगली आहे.