मुंबई: बॉलिवूडमधील कलाकार (Bollywood Celebrity) हॉटेल्स किंवा इतर कोणत्याही ठिकाणी जर दिसलेच तर पापाराझींच्या (Photographer) गराड्यात येतातच. कलाकारांसोबतच त्यांच्या मुलांचीही पापाराझींच्यासमोर वेगळीच क्रेझ असते. बॉलिवूडची बेबो करीना कपूर आणि सैफ अली खानचे यांची दोन्ही लहान मुले लहान वयातच मीडियाच्या गराड्यात येतात. जेव्हा पण जेह पापाराझींच्यासमोर आला की, त्याच्याकडे कुतूहलाने बघतात. पुन्हा एकदा जेहचा एक सुंदर व्हिडिओ सोशल मीडियावर व्हायरल झाला आहे.

सेलिब्रेटी फोटोग्राफर फिल्मी ग्यानने नुकतेच त्यांच्या इन्स्टाग्राम पेजवर एक व्हिडिओ शेअर केला आहे. या व्हिडिओत जेह हा त्याच्या वांद्र्यातील घराजवळ जाताना दिसतोय. त्यावेळी काही पापाराझी त्याचा फोटो काढत आहेत. यावेळी जेह त्यांच्याकडे कुतूहलाने पाहत त्यांच्याजवळ धावत जातो. यावेळी त्याला सांभाळणारी नॅनी (आया) ही त्याचा हात पकडून त्याला आत नेण्याचा प्रयत्न करते. मात्र जेहने त्याचा हात झटकत पापाराझींना पोज दिली. हा सर्व मजेशीर प्रकार एका व्हिडिओ कॅमेऱ्यात कैद करण्यात आला आहे.

व्हिडिओमध्ये, त्याने पांढर्‍या रंगाचा टी-शर्ट आणि गुलाबी शॉर्ट्स घातले आहेत. त्याच्या या व्हिडीओवर अनेकजणांनी कमेंट केल्या आहेत. त्याला इंटरव्ह्यू देण्याची खूप इच्छा आहे. तर काहींनी जेहला क्यूट बेबी देखील संबोधले आहे. त्याला कॅमेऱ्याबाबत कुतूहल वाटत असल्याचे दिसत आहे.

Edit By- Chetan Bodke