ऋषभ शेट्टीचा 'कांतारा चॅप्टर 1' (Kantara Chapter 1) चित्रपट रिलीजच्या पहिल्या दिवसापासून थिएटरमध्ये धुमाकूळ घालत आहे. चित्रपट 2 ऑक्टोबरला रिलीज झाला आहे. 'कांतारा चॅप्टर 1' चे दिग्दर्शन ऋषभ शेट्टी यांनी केले असून मुख्य भूमिकेत देखील तो झळकला आहे. चित्रपटातील ऋषभ शेट्टीच्या अभिनयाचे सर्वत्र कौतुक होताना दिसत आहे. चित्रपटाने एका आठवड्यात बॉक्स ऑफिसवर 300 कोटींचा गल्ला जमावला आहे. चित्रपटाचे सातव्या दिवसाचे कलेक्शन जाणून घेऊयात.

'कांतारा चॅप्टर 1' बॉक्स ऑफिस कलेक्शन दिवस 7

सॅकनिल्कच्या रिपोर्टनुसार, 'कांतारा चॅप्टर 1' ने सातव्या दिवशी 25 कोटी रुपयांची कमाई केली आहे. ज्यामुळे चित्रपटाचे एकूण कलेक्शन 316 कोटी रुपये झाले आहे.

• दिवस पहिला - 61.85 कोटी रुपये

• दिवस दुसरा- 45.4 कोटी रुपये

• दिवस तिसरा- 55 कोटी रुपये

• दिवस चौथा- 63 कोटी रुपये

• पाचवा दिवस - 31.25 कोटी रुपये

• सहावा दिवस - 33.5 कोटी रुपये

• सातवा दिवस - 25 कोटी रुपये

• एकूण - 316 कोटी रुपये

'कांतारा चॅप्टर 1' ने 'कांतारा'चा विक्रम मोडला

'कांतारा चॅप्टर 1'ने जगभरात जवळपास 400 कोटी रुपयांच्यावर व्यवसाय केला आहे. 'कांतारा चॅप्टर 1' सात दिवसांत भारतात 316 कोटी रुपयांची कमाई केली. 'कांतारा चॅप्टर 1'चा पहिला भाग 'कांतारा' 2022 मध्ये रिलीज झाला. मीडिया रिपोर्टनुसार, 'कांतारा'ने पहिल्या आठवड्यात 309 कोटींची कमाई केली होती. 'कांतारा चॅप्टर 1' 2025 चा दुसरा सर्वाधिक कमाई करणारा कन्नड चित्रपट ठरला आहे.

'कांतारा चॅप्टर 1' इंग्रजी, हिंदी, कन्नड, तेलुगू, मल्याळम, तमिळ या भाषांमध्ये प्रदर्शित झाला. 'कांतारा चॅप्टर 1' चित्रपटात ऋषभ शेट्टीसोबत रुक्मिणी वसंत, गुलशन देवैया, जयराम हे कलाकार देखील महत्त्वाच्या भूमिकेत झळकले आहेत.