Kangana Ranaut Reaction On Selfie Movie: बॉलिवूडची ड्रामा क्विन कंगना राणौतने पुन्हा एकदा करण जोहरवर टिका केली आहे. अलीकडेच, करणचा 'सेल्फी' हा चित्रपट प्रदर्शित झाला आहे. यावर कंगनाने केलेल्या टिकेवर सर्वत्र जोरदार चर्चा सुरू आहे. इंस्टाग्रामवर एक पोस्ट शेअर करत अभिनेत्रीने लिहिले की, करणच्या 'सेल्फी'ने पहिल्याच दिवशी केवळ 10 लाखांचा गल्ला जमवला असून या चित्रपटाबद्दल कोणीही बोलत नाही. ज्या पद्धतीने करण मला त्रास देतो त्या प्रकारे त्याच्याच चित्रपटाला प्रेक्षकांनी प्रतिसाद दिलेला नाही.

कंगना रणौतने दुसरी पोस्ट शेअर करत एक न्यूज क्लिप शेअर केली आहे. त्यात कंगना म्हणते,"अक्षय कुमार कंगना राणौतची पुरुष आवृत्ती आहे? मी 'सेल्फी' चित्रपट फ्लॉप झाल्याची बातमी शोधत होते, तेव्हा मला आढळले की सर्व बातम्या माझ्याबद्दल (कंगना) आहेत. फिल्म फ्लॉप होण्यामागे माझाही दोष आहे. अनेकांनी मला दोष देत 'सेल्फी' हा चित्रपट माझ्यामुळे फ्लॉप झाला, असे म्हणाले आहे. तर अक्षयने या चर्चेत करण जोहरच्या नावाचा वापर न करत प्रेक्षकांना फसवले आहे. लोक माझ्याबद्दल चुकीची अफवा पसरवतात.

मात्र, सेल्फी चित्रपट प्रदर्शित झाल्यानंतर एका दिवसात बॉक्स ऑफिसवर काही खास जादू दाखवू शकला नाही. या चित्रपटात अक्षय कुमार आणि इमरान हाश्मी, नुसरत भरुचा आणि डायना पेंटी यांच्या भूमिका आहेत. पहिल्या दिवशी चित्रपटाने केवळ 28 लाखांची कमाई केली. आता हा चित्रपट मोठ्या पडद्यावर किती काळ टिकतो हे पाहावे लागेल.