मुंबई - उत्तर प्रदेशमध्ये (Uttar Pradesh) उद्या तिसऱ्या टप्प्यातील मतदान होणार आहे. त्यासाठी सत्ताधारी पक्षासह विरोधकांनी ताकद लावली आहे. त्याचवेळी आता बॉलीवूड अभिनेत्री कंगना राणावतने (Kangana Ranaut) यूपीच्या लोकांना भाजपला मतदान करण्याचे आवाहन केले आहे. तिच्या सोशल मीडिया अकाउंटवर व्हिडिओ शेअर करत कंगना म्हणाली की, योगी सरकारला (Yogi Government) पुन्हा सत्तेत आणण्यासाठी भाजपला मतदान करा असे आवाहन कंगनाने मतदारांना केले आहे. (Kangana appeals to Vote for BJP)

कंगना या व्हिडिओमध्ये म्हणते की, "आपल्या सर्वांना माहित आहे की उत्तर प्रदेशमध्ये निवडणुका सुरू आहेत आणि या निवडणुकीत कुरुक्षेत्रात आमचे एकमेव हत्यार मतदान आहे, लक्षात ठेवाआपल्याला आपल्या आवडत्या योगी सरकारला परत आणायचे आहे, त्यामुळे भरपूर मतदान करा. मतदानाला जातांना तीन ते चार जणांना सोबत घ्या. लक्षात ठेवा विजयाचा हा विक्रम मोडता कामा नये, एकही मत चुकता कामा नये, जय श्री राम."

हा व्हिडिओ शेअर करताना कंगनाने कॅप्शनमध्ये लिहिले की, लक्षात ठेवा विजयाचा हा विक्रम मोडता कामा नये, एकही मत चुकता कामा नये, जय श्री राम,कंगनाच्या या व्हिडिओला अनेकजण पसंती देत ​​आहेत. आतापर्यंत 2 लाखांहून अधिक लोकांनी या व्हिडिओला लाईक केले आहे.

Edited By - Shivani Tichkule