Mehmood Junior passes away:

हिंदी सिने जगतातून एक दुःखद बातमी समोर आली आहे. बॉलीवूडमधील प्रसिद्ध कलाकार ज्युनिअर मेहमूद यांचे निधन झाले आहे. गेल्या काही दिवसांपासून त्यांच्यावर रुग्णालयात उपचार सुरू होते. मेहमुद यांना कॅन्सर झाल्याचे डॉक्टरांनी सांगितले होते. अखेर त्यांची कॅन्सरशी झुंज अपयशी ठरली. वयाच्या ६७ व्या वर्षी त्यांनी अखेरचा श्वास घेतला. ज्युनिअर मेहमूद यांच्या निधनाने बॉलिवूडवर शोककळा पसरली आहे.

वयाच्या ६७ व्या वर्षी घेतला अखेरचा श्वास....

हिंदी सिने सृष्टीतील जेष्ठ अभिनेते ज्युनियर महमूद (Mehmood Junior) यांचं निधन झालं. ते ६७ वर्षांचे होते. गेल्या काही महिन्यांपासून ते कर्करोगाशी झुंज देत होते. त्यांची ही झुंज अपयशी ठरली. गुरूवारी (७, डिसेंबर) राहत्या घरी त्यांनी अखेरचा श्वास घेतला. ज्युनियर महमूद यांनी कारवां, हाथी मेरे साथी, मेरा नाम जोकर, या चित्रपटांमधून आपल्या अभिनयाची छाप पाडली.

अखेरची इच्छा व्यक्त करत घेतला जगाचा निरोप..

ज्युनिअर मेहमूद यांच्यावर टाटा मेमोरियल रुग्णालयात उपचार सुरू होते. उपचारादरम्यान त्यांनी त्यांचे जुने मित्र, ज्येष्ठ अभिनेते जितेंद्र आणि सचिन पिळगावकर यांना भेटण्याची इच्छा व्यक्त केली होती. यानंतर सचिन आणि अभिनेते जितेंद्र यांनी रुग्णालयात त्यांची भेट घेतली होती.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ज्युनिअर मेहमूद यांची सिने कारकिर्द...

ज्युनियर मेहमूदने यांनी अनेक चित्रपट आणि टीव्ही शोमध्ये काम केले होते. 1967 मध्ये संजीव कुमार यांच्या नौनिहाल या चित्रपटातून त्यांनी आपल्या करिअरची सुरुवात केली. त्यावेळी ते केवळ 11 वर्षांचे होते. यानंतर संघर्ष, ब्रह्मचारी, दो रास्ते, कटी पतंग, हाथी मेरे साथी, हंगामा, छोटी बहू, दादागिरीसह अनेक चित्रपटांमध्ये त्यांच्या अभिनयांची जादू पाहायला मिळाली. मेहमूद यांनी अभिनेते राजेश खन्ना आणि गोविंदा यांच्या चित्रपटांमध्ये जास्त काम केले. (Latest Marathi News)