'जॉली एलएलबी 3' (Jolly LLB 3) हा कॉमेडी कोर्टरूम ड्रामा 19 सप्टेंबरला रिलीज झाला. या चित्रपटात अक्षय कुमार (Akshay Kumar) आणि अर्शद वारसी मुख्य भूमिकेत दिसत आहे. यांच्या अभिनयाचे सर्वत्र कौतुक पाहायला मिळत आहे. चित्रपटात अक्षय कुमार आणि अर्शद वारसी वकिलांच्या भूमिकेत दिसत आहे. तसेच चित्रपटत सौरभ शुक्ला,अमृता राव आणि हुमा कुरेशी या कलाकार झळकले आहेत.

'जॉली एलएलबी 3' बॉक्स ऑफिस कलेक्शन दिवस 3

अक्षय कुमार आणि अर्शद वारसीचा 'जॉली एलएलबी 3' रिलीज होऊन अवघे तीन दिवस झाले आहेत. चित्रपटाने तीन दिवसांत 50 कोटींचा टप्पा पार केला आहे. पहिल्या दिवसापासून चित्रपटाला उत्तम प्रतिसाद मिळत आहे. काल तिसऱ्या दिवशी रविवारी देखील चित्रपटाचे शो खूप ठिकाणी हाऊसफुल पाहायला मिळाले आहेत. रविवारी चित्रपटाने किती कोटी कमावले , जाणून घेऊयात.

'जॉली एलएलबी 3'ने पहिली दिवशी 12.75 कोटी आणि दुसऱ्या दिवशी 20 कोटींची कमाई केली आहे. तिसऱ्या दिवशीच्या कलेक्शनचे आकडे समोर आले आहेत. सॅकनिल्कच्या रिपोर्टनुसार, 'जॉली एलएलबी 3'ने तिसऱ्या दिवशी तब्बल 21 कोटींची कमाई केली आहे. शनिवारच्या तुलनेत रविवारी 1 कोटींना वाढ झाली आहे. तीन दिवसांत चित्रपटाने 53.50 कोटींचा व्यवसाय केला आहे. आता या कॉमेडी कोर्टरूम ड्रामाची यशस्वी घोडदौड 100 कोटींच्या दिशेने पाहायला मिळत आहे.

रेकॉर्ड ब्रेक कामगिरी

'जॉली एलएलबी 3' हा जॉली एलएलबी फ्रँचायझीचा तिसरा भाग आहे. 'जॉली एलएलबी ' 2013 मध्ये आणि 'जॉली एलएलबी 2 ' चित्रपट 2017 ला रिलीज झाला. Pinkvilla च्या रिपोर्टनुसार, 2025 च्या बॉक्स ऑफिसवरील टॉप ओपनिंग वीकेंडमध्ये अक्षय कुमारचा 'जॉली एलएलबी 3' आठव्या स्थानावर आहे.

1. छावा - 108 कोटी रुपये

2. वॉर 2 - 99 कोटी रुपये

3. सैयारा - 83.25 कोटी रुपये

4. हाऊसफुल - 79 कोटी रुपये

5. सिकंदर - 67 कोटी रुपये

6. स्काय फोर्स - 63.50 कोटी रुपये

7. सितारे जमीन पर - 56.50 कोटी रुपये

8. जॉली एलएलबी 3 - 52.50 कोटी रुपये

9. रेड 2 - 49.25 कोटी रुपये

10. केसरी चॅप्टर 2 - 29 कोटी रुपये