बॉलिवूडमध्ये देखील कोरोनाने शिरकाव केला आहे. एकामागोमाग एक असे अनेक कलाकार कोरोनाच्या (Corona) विळख्यामध्ये सापडत आहेत. आता बॉलिवूडचा (Bollywood) अ‍ॅक्शन सुपरस्टार जॉन अब्राहम (John Abraham) याला कोरोनाची लागण झाली आहे. जॉनची पत्नी (Wife) प्रिया हि देखील कोरोना पॉझिटीव्ह (Positive) आहे. सोमवारी जॉनने स्वत: सोशल मीडियावरून (Social media) माहिती दिली आहे. त्याच्यासह पत्नीलादेखील कोरोनाची लागण झाल्याचे त्याने यावेळी सांगितले आहे. (John Abraham corona positive)

हे देखील पहा-

इन्स्टाग्रामवर (Instagram) स्टोरीवर त्याने लिहिले आहे की, ‘मला कोरोनाची लागण झाली असून माझा रिपोर्ट पॉझिटिव्ह आला आहे. माझ्यासह पत्नी देखील कोरोना पॉझिटिव्ह आहे. ३ दिवसांपूर्वी मी एका व्यक्तीच्या संपर्कात आलो होतो. नंतर त्या संबंधित व्यक्तीला कोरोना झाल्याचे समजले आहे. यानंतर आम्ही चाचणी केली आणि त्यामध्ये आम्हा दोघांची टेस्ट पॉझिटिव्ह आली आहे. आम्ही सध्या घरीच क्वारंटाइन असून कोणाच्याही संपर्कात नाही. दोघांनीही लस (Vaccine) घेतली होती, सध्या सौम्य लक्षणे आहेत. पण काळजी करण्याचे कारण नाही. तुम्ही देखील काळजी घ्या आणि मास्क घाला असे आवाहन जॉन अब्राहमने यावेळी केले आहे.

मागील काही दिवसामध्ये अनेक बॉलिवूड सेलिब्रिटींना (celebrities) कोरोनाची लागण झाली आहे. करिना कपूर, अमृता अरोरा, सीमा खान, महिम कपूर यांच्याबरोबरच अर्जुन कपूर, त्याची बहीण अंशुला कपूर, रिया कपूर, तिचा पती करण बुलानी, नोरा फतेही, शिल्पा शिरोडकर यांना कोरोनाची लागण झाली आहे. २ दिवसांपूर्वी अभिनेत्री मृणाल ठाकुरला देखील कोरोनाची लागण झाल्याचे समोर आले आहे. तिनेही सोशल मीडियावरून आपल्याला कोरोनाची लागण झाल्याचं सांगत स्वत:ला आयसोलेट करून घेतल्याचे सांगितले आहे.

Edited By- Digambar Jadhav