India Pakistan Digital Strike Saam Tv
मनोरंजन बातम्या

India Pakistan Digital Strike: भारत सरकारचा डिजिटल स्टाईक; पाकिस्तानच्या या OTT कंटेंटवर बंदीचा निर्णय

Digital Strike: भारत-पाकिस्तान दरम्यान वाढलेल्या तणावाच्या पार्श्वभूमीवर, भारत सरकारने देशातील सर्व OTT प्लॅटफॉर्म्सना पाकिस्तानी कंटेंटवर बंदी घालण्याचा निर्णय घेतला आहे.

Shruti Vilas Kadam

India Pakistan Digital Strike: भारत-पाकिस्तान दरम्यान वाढलेल्या तणावाच्या पार्श्वभूमीवर, भारत सरकारने देशातील सर्व OTT प्लॅटफॉर्म्सना पाकिस्तानी कंटेंट जसे की वेब सिरीज, चित्रपट, गाणी, पॉडकास्ट इत्यादी तत्काळ हटवण्याचे निर्देश दिले आहेत. प्रसारण मंत्रालयाने जारी केलेल्या अधिसूचनेनुसार, या निर्णयाचा उद्देश राष्ट्रीय सुरक्षेची खात्री करणे आणि देशविरोधी प्रचाराला आळा घालणे हा आहे.

या निर्णयाचा मुख्य कारण म्हणजे पाकिस्तानी OTT प्लॅटफॉर्म Vidly TV वर प्रदर्शित झालेली 'Sevak: The Confessions' ही वेब सिरीज. या सिरीजमध्ये भारताच्या राष्ट्रीय सुरक्षेला धोका पोहोचवणारी, देशाच्या सार्वभौमत्वाला आव्हान देणारी आणि सामाजिक सलोखा भंग करणारी असल्याचे मंत्रालयाने नमूद केले आहे. या सिरीजमध्ये ऑपरेशन ब्लू स्टार, बाबरी मशीद पाडणे, मालेगाव स्फोट, समझौता एक्सप्रेस स्फोट यांसारख्या संवेदनशील घटनांचे विकृत चित्रण करण्यात आले आहे .

'Sevak: The Confessions' या वेब सिरीजचा पहिला एपिसोड 26 नोव्हेंबर 2022 रोजी, म्हणजेच 2008 च्या मुंबई दहशतवादी हल्ल्याच्या दिवशी प्रदर्शित करण्यात आला होता. या सिरीजमध्ये भारतीय ध्वजाच्या अशोक चक्राला जळताना दाखवले गेले आहे, तसेच सिख समुदायात असंतोष आणि विभाजन निर्माण करण्याचा प्रयत्न केला गेला आहे .

या पार्श्वभूमीवर, भारत सरकारने IT नियम 2021 अंतर्गत आपत्कालीन अधिकारांचा वापर करून Vidly TV च्या वेबसाइट, दोन मोबाइल अ‍ॅप्स, चार सोशल मीडिया अकाउंट्स आणि एक स्मार्ट टीव्ही अ‍ॅपला ब्लॉक करण्याचे आदेश दिले आहेत. या निर्णयामुळे देशातील OTT प्लॅटफॉर्म्सवर पाकिस्तानी कंटेंटचा प्रसार थांबवला जाणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Alibag Fishing Boat Capsizes: समुद्रात मच्छीमार बोट बुडाली; 5 खलाशांनी 9 तास पोहून गाठला किनारा, 3 जण बेपत्ता

Amravati Accident: चिखलदरा पर्यटन स्थळावर मोठा अपघात; ६०० फूट खोल दरीत कोसळली कार

Mahayuti Phone Taping: महायुतीच्या मंत्र्यांचेच फोन टॅप? रोहित पवारांच्या दाव्याने खळबळ

UPI Payment: फुकट UPI व्यवहार बंद होणार? प्रत्येक व्यवहारावर पैसे मोजावे लागणार?

PM Kisan: कधी मिळणार PM किसानचा हप्ता? 20 व्या हप्त्याची प्रतिक्षा कायम, कोणाला नाही मिळणार पैसा?

SCROLL FOR NEXT