Hera Pheri 3: राजू, श्याम आणि बाबूराव या तीन पात्रांनी एकत्र येत प्रेक्षकांचे निखळ मनोरंजन केले. आजही 'हेरा फेरी' पाहताना त्याच उमेदीने प्रेक्षकांना हसायला येतं. 'हेरा फेरी' हा चित्रपट पाहिला नसेल असा मनुष्य शोधून भेटणार नाही. अशातच प्रेक्षकांचे आणखी निखळ मनोरंजन करण्यासाठी 'हेरा फेरी ३' ची घोषणा करण्यात आली आहे.

'हेरा फेरी ३' च्या नुकतंच काही दिवसांपूर्वी शूटिंगला सुरुवात झाली आहे. चित्रपटात नक्की काय पहायला मिळेल, चित्रपटाची कथा काय असणार हे जाणून घेण्यासाठी प्रेक्षक फार उत्सुक होते. अखेर याचा खुलासा झाला आहे.

चित्रपटात प्रमुख भूमिकेत परेश रावल, सुनील शेट्टी आणि अक्षय कुमार हे त्रिकुट एकत्र येत मनोरंजनाचा धमाका करणार आहे. फिरोज नाडियाडवाला यांच्या मुंबईतील एम्पायर स्टुडिओमध्ये या चित्रपटाच्या शूटिंगचा श्री गणेशा करण्यात आला. आता या चित्रपटाच्या शूटिंगमध्ये सर्वच कलाकार व्यग्र आहेत. नक्की चित्रपटाची कथा काय असणार याची सर्वांनाच उत्सुकता लागली होती. अखेर याचा खुलासा झाला आहे.

'हेरा फेरी ३' ची कथा ही जिथे 'फिर हेरा फेरी' चित्रपटाचा शेवट झाला, तिथून सुरुवात होत आहे. या कथेत ट्विस्ट म्हणून संजय दत्तची ही एन्ट्री करण्यात येणार आहे. मिळालेल्या माहितीनुसार, ‘बंदूकांचे काय होते हे जाणून घेण्यासाठी चाहते उत्सुक आहेत.

‘हेरा फेरी ३’ची सुरुवात ‘फिर हेरा फेरी’च्या शेवटच्या दृश्याने होईल. तिथून कथा एक झेप घेईल आणि तिन्ही पात्रांना बंदूक आणि माफियांच्या आंतरराष्ट्रीय रॅकेटपर्यंत घेऊन जाईल. तीन पात्र आणि बंदुका व्यतिरिक्त या कथेला ‘फिर हेरा फेरी’चा मोठा संबंध असेल.'

सोबतच मिळालेल्या माहितीनुसार, संजय दत्त रवी किशनच्या दूरच्या भावाची भूमिका साकारत आहे. ‘फिर हेरा फेरी’ मधील राजू, श्याम आणि बाबूराव यांनी मूर्ख बनवलेल्या अनेक पात्रांपैकी एक म्हणजे रवी किशन. त्यांच्या ट्रॅकमध्ये संजय दत्तही कॅमिओ करताना दिसेल. त्यामुळे आता ‘हेरा फेरी ३’बद्दल प्रेक्षकांच्या मनातली उत्सुकता आणखीनच वाढली आहे.