नागराज मंजुळे दिग्दर्शित फॅन्ड्री या चित्रपटाची क्रेझ आजही चाहत्यांमध्ये दिसतेय. या चित्रपटातील गाणी आजही प्रेक्षक आवडीने ऐकतात. चित्रपटातील कलाकर, त्याची भूमिका प्रेक्षकांच्या पसंतीस उतरली. फॅन्ड्री चित्रपटातून प्रसिद्धीस आलेली शालू म्हणजेच राजेश्वरी खरातनं नुकतंच लग्न केलं आहे. राजेश्वरीने फॅन्ड्री चित्रपटातील सोमनाथ अवघडेसोबत लग्न केलं आहे. सोशल मीडियावर या दोघांच्या लग्नाचे फोटो समोर आले आहेत.

फॅन्ड्री चित्रपटातून रात्रीत स्टार झालेली ही जोडी आता खऱ्या आयुष्यात एकमेकांचे जीवनसाथी होणार की काय असं दिसत आहे. सोशल मीडियावर राजेश्वरीने तिचे लग्नसोहळ्यातील फोटो पोस्ट केले आहेत. लग्नाचा निळ्या रंगाचा शालू राजेश्वरीने परिधान केला आहे. तर सोमनाथने शेरवानी परिधान केली आहे. या दोघांच्या डोक्याला बाशिंग बांधले आहे.

नुकताच राजेश्वरीने इन्स्टाग्रामवर शेअर केलेला एक फोटो सर्वत्र चर्चेत आला आहे. हा फोटो लग्नमंडपातील आहे. सोशल मीडियावर राजेश्वरीच्या फोटोंवर नेटकऱ्यांकडून लाईक्सचा वर्षाव होत आहेत तर अनेकांनी प्रतिक्रिया दिल्या आहेत. अनेकांनी या दोघाचं लग्न होणार असल्याचं म्हटलं आहे.तर एकाने हा नवीन प्रोजेक्ट आहे की काय असं म्हटलं आहे. सोशल मीडियावर या दोघाच्या नात्याची कायमच चर्चा सुरू असते.