Armaan Malik Wedding : प्रसिद्ध गायक अरमान मलिकने लॉन्ग टर्म गर्लफ्रेंड आशना श्रॉफसोबत एका खाजगी समारंभात लग्न केले. 29 वर्षीय गायकाने त्याचे कुटुंब आणि मित्रांच्या उपस्थितीत लग्न केले. अरमानने इंस्टाग्रामवर त्याच्या लग्नाचे फोटो शेअर करत चाहत्यांना ही आनंदाची बातमी दिली आहे.,

या फोटोमध्ये नवविवाहीत जोडप्याने पीच रंगाचे पोशाख परिधान केलेले दिसत आहेत. फोटो पोस्ट करत असमानने कॅप्शनमध्ये लिहिले, "तू ही मेरा घर", जे त्याच्या नवीनतम संगीत सिंगलचे शीर्षक देखील आहे. नवविवाहित जोडप्यावर अभिनंदनाचा वर्षाव होत आहे. अभिनेत्री सोफी चौधरीने लिहिले, "ओह माय गॉड! तुमचे अभिनंदन! गॉड ब्लेस यू." "माझे हृदय खूप भरले आहे, मी रडत आहे," एका चाहत्याने टिप्पणी दिली. दुसऱ्या एका चाहत्याने लिहिले, "आनंदाचे अश्रू."

आशना आणि अरमान दोघेही 2017 पासून एकमेकांना डेट करत आहेत, या कपलने ऑगस्ट 2023 मध्ये त्यांचे नाते अधिकृत केले आणि ऑक्टोबर 2023 मध्ये त्यांनी साखरपुडा केले. आशना ही सोशल मिडीया इन्फ्लुएंसर असून तिचे १ मिलियन फॉलोवर्स आहेत. यासह आशनाचा द स्नॉब होम हा होम डेकॉरचा ब्राण्ड चालवते.

2024 मध्ये, अरमानने एड शीरन सोबत झालेल्या मुंबईच्या कॉन्सर्टमध्ये स्टेज शेअर केला. यावेळी त्यानेअतिशय लोकप्रिय रोमँटिक गीत सादर केली. तर, काही नविन गाणी रिलीज केली. अरमान मलिक प्रसिद्धीझोतात येण्याचे आणखी एक कारण म्हणजे सोशल मीडियावर त्याचा चाहत्यांवर असलेला प्रभाव