मुंबई : पंजाबी गायक(Sidhu Moose Wala) सिद्धू मूसवालायाच्या हत्येने संपूर्ण देश धक्का बसला होता. हल्लीच दबंग खान म्हणजेच सलमान खानलाही(Salman Khan) जीवे मारण्याच्या धमक्या आल्या होत्या, त्यानंतर सलमान खानने पोलिसांकडे मदत मागितली होती. त्याचबरोबर त्याला ताबडतोब बंदुकीचा परवाना देखील मिळाला, तसेच बुलेटप्रूफ करही सलमानने खरेदी केली आहे. दरम्यान, आता आणखी एक पंजाबी गायकाला जीवे मारण्याच्या धमक्या आल्या आहेत. काही लोक या पंजाबी गायकाला फोन करून धमकावत आहेत, त्यामुळे या गायकाच्या घरी दहशतीचे वातावरण निर्माण झालं आहे.

माहितीनुसार, प्रसिद्ध पंजाबी सिंगर (jaani) जानीलाही जीवे मारण्याच्या धमक्या मिळाल्याची बातमी अलीकडेच समोर येत आहे. जानी याने त्याच्या कडेकोट सुरक्षेची मागणी केली आहे. यासाठी त्याने पंजाबचे मुख्यमंत्री भगवंत मान, एडीजीपी आणि मोहालीचे एसएसपी यांना पत्र लिहून सुरक्षेची मागणी केली आहे. त्याला फोनवरून जीवे मारण्याची धमकी दिली जात असल्याचे जानी याने स्वतः सोशल मिडीयाच्या माध्यमातून त्याच्या चाहत्यांना सांगितले आहे.

माहितीनुसार, जानीला जिवे मारण्याच्या धमक्या मिळाल्यामुळे, तो त्याच्या सुरक्षेबद्दल खूप चिंतेत आहे. मुख्यमंत्र्यांना लिहिलेल्या पत्रात त्याने सिद्धू मुसेवाला याचा उल्लेख करत स्वत:च्या सुरक्षेची मागणी केली आहे. पंजाबी गायक सिद्धू मुसेवाला याची गँगस्टर लॉरेन्स विश्नोईच्या टोळीतील सदस्यांनी गोळ्या झाडून हत्या केली होती. जानी हे मनोरंजन विश्वातील एक प्रसिद्ध नाव आहे. त्याची 'तितलीयां', 'मन भरेया', 'बारिश की जाये', 'दूजी वार प्यार', 'फिल्हाल', 'पाचताओगे' इत्यादी गाणी खूप प्रसिद्ध आहेत.

गेल्या महिन्यात जानी याचा धोकादायक अपघात झाला होता. मोहालीमध्ये एसयूव्ही कारमधून प्रवास करणाऱ्या जानी आणि त्याच्या मित्रांचा अचानक रस्ता अपघात झाला. या अपघातात जानी जोहान यांच्या मानेला आणि पाठीला दुखापत झाली आहे. अपघाताच्या कारणाबाबत बोलताना पोलिसांकडून मिळालेल्या माहितीत असे सांगण्यात आले की, अपघात झालेली दोन्ही वाहने चौकात न थांबल्यामुळे एकमेकांवर आदळली होती.