Diljit Dosanjh: गायक आणि अभिनेता दिलजीत दोसांझ हा त्याचा नवीनतम अल्बम, 'ऑरा'ला प्रमोट करण्यासाठी जागतिक दौऱ्यावर आहे. सध्या तो ऑस्ट्रेलियात असून त्याच्या सिडनी शोच्या आधी, त्याने बॅकस्टेज क्षणांची एक झलक शेअर करताना एक धक्कादायक खुलासा केला आहे. ऑस्ट्रेलियात पोहोचल्यानंतर, त्याच्यावर वर्णद्वेषी टिप्पण्या झाल्या असून, काही लोकांनी त्याला "कॅब ड्रायव्हर" म्हटले.

दिलजीतचे धक्कादायक विधान

एका व्हिडिओमध्ये, दिलजीतने स्पष्ट केले की तो ऑस्ट्रेलियात उतरताच पापाराझींनी फोटो काढण्यास सुरुवात केली. जेव्हा हे फोटो सोशल मीडियावर समोर आले तेव्हा अनेक वापरकर्त्यांनी खूप विचित्र टिप्पण्या केल्या. तो म्हणाला, "काही वृत्तसंस्थांनी माझ्या आगमनाची बातमी दिली आणि लोकांनी कमेंटमध्ये लिहिले, 'फ्रेश उबर ड्रायव्हर एज हियर' किंवा तर एकाने लिहीले, कॅब ड्रायव्हर आला...'असे बरेच द्वेषपूर्ण संदेश मी पाहिले. माझा विश्वास आहे की जगाने सीमांच्या पलीकडे एकत्र आले पाहिजे.

राग व्यक्त करण्याऐवजी, त्याने सकारात्मक संदेश दिला

दिलजीतने स्पष्ट केले की त्याला "कॅब ड्रायव्हर्स" किंवा "ट्रक ड्रायव्हर्स"अशा तुलना मला त्रास देत नाहीत, कारण हे लोक समाजाचा कणा आहेत. ट्रक ड्रायव्हर्सशिवाय, अन्नधान्यही घरापर्यंत पोहोचले नसते. मी कोणावरही रागावलो नाही; खरं तर, मला फक्त या लोकांबद्दल प्रेम आहे."

त्याच्या कामाबद्दल बोलायचे झाले तर, दिलजीतने पंजाबी ते बॉलिवूडपर्यंत मजल मारली आहे. तो अलिकडेच प्रदर्शित झालेल्या 'सरदार जी ३' (पंजाबी) आणि 'डिटेक्टिव्ह शेरदिल' (हिंदी) या चित्रपटांमध्ये दिसला. 'सरदार जी ३' चित्रपटामुळे वाद निर्माण झाला, विशेषतः पाकिस्तानी अभिनेत्री हानिया आमिरच्या कास्टिंगवरून. हा चित्रपट अद्याप भारतात प्रदर्शित झालेला नाही, परंतु तो परदेशातही हिट झाला आहे.