Choreographer Hospitalised: प्रसिद्ध बॉलिवूड कोरिओग्राफर बॉस्को लेस्ली मार्टिस यांच्या प्रकृतीबाबत चिंताजनक बातमी समोर आली आहे. छातीत त्रास आणि अस्वस्थ वाटल्यामुळे त्यांना मुंबईतील ब्रीच कँडी रुग्णालयात दाखल करण्यात आले आहे. सध्या डॉक्टरांच्या देखरेखीखाली त्यांच्यावर उपचार सुरू असून, टेस्टचे रिपोर्ट नॉर्मल असल्याची माहिती समोर आली आहे. मात्र, खबरदारीचा उपाय म्हणून त्यांना निरीक्षणाखाली ठेवण्यात आले आहे.

मिळालेल्या माहितीनुसार, गेल्या काही दिवसांपासून बॉस्को कामात अत्यंत व्यस्त होते. याच दरम्यान त्यांना छातीत त्रास होऊ लागला त्यांनी डॉक्टरांचा सल्ला घेतला. डॉक्टरांनी पुढील तपासण्यासाठी त्यांना तातडीने रुग्णालयात दाखल होण्याचा सल्ला दिला.

रुग्णालयात दाखल झाल्यानंतर बॉस्को यांच्या टेस्ट आणि सिटीस स्कॅन करण्यात आले. सुरुवातीचे रिपोर्ट समाधानकारक असले तरी कोणताही धोका टाळण्यासाठी डॉक्टर त्यांना निरीक्षणाखाली ठेवले आहेत. यासह डॉक्टरांनी त्यांच्या प्रकृतीत सुधारणा होत असल्याची माहिती डॉक्टरांनी दिली आहे.

बॉस्को मार्टिस हे 'बॉस्को-सीझर' या लोकप्रिय कोरिओग्राफर जोडीतील एक महत्त्वाचे नाव आहे. त्यांनी कहो ना... प्यार है, झूमे जो पठाण, घुंगरू, तौबा तौबा, सेनोरिटा, गल्लां गुडियां यांसारख्या अनेक सुपरहिट गाण्यांना कोरिओग्राफी केली आहे. त्यांना राष्ट्रीय पुरस्कारानेही गौरविण्यात आले आहे. त्यामुळे त्यांच्या प्रकृतीबाबतची बातमी समोर आल्यानंतर चाहते अधिकच चिंतेत पडले आहेत.