बॉलिवूडमध्ये असे अनेक दिग्गज कलाकार होऊन गेले आहेत, ज्यांनी शेवटच्या क्षणापर्यंत हटके चित्रपट देऊन प्रेक्षकांचे मनोरंजन केले आहे. आजही त्यांचा अभिनय आणि चित्रपट आठवून प्रेक्षकांच्या डोळ्यात पाणी येते. अशाच एका ८० च्या दशकातल्या ताऱ्याविषयी आज जाणून घेऊयात. हे सुपरस्टार अभिनेते दुसरे-तिसरे कोणी नसून दिवंगत अभिनेते विनोद खन्ना आहेत. त्यांनी स्वतःच्या बळावर इंडस्ट्रीत मोठे नाव कमावले.

विनोद खन्ना यांनी आपल्या कारकिर्दीत अनेक ब्लॉकबस्टर चित्रपट दिले. 'कुर्बानी', 'द बर्निंग ट्रेन' आणि 'चांदनी' यांसारख्या हिट चित्रपटांनी विनोद खन्ना यांनी बॉलिवूड गाजवले. त्यांच्या हँडसम लूकचे चाहते दिवाने होते. विनोद खन्ना यांनी १९६८ मध्ये रिलीज झालेल्या 'मन का मीत' या चित्रपटातून बॉलिवूडमध्ये एन्ट्री घेतली, या चित्रपटातून विनोद खन्ना यांनी आपल्या कारकिर्दीची सुरुवात केली.

विनोद खन्ना यांनी २७ एप्रिल २०१७ रोजी अखेरचा श्वास घेतला. त्यांच्या निधनाने बॉलिवूडवर शोककळा पसरली. त्यांच्या निधनाच्या दोन वर्ष आधीच त्यांनी 'दिलवाले' या चित्रपटात काम केले होते. या चित्रपटाने बॉक्स ऑफिसवर बक्कळ पैसा छापला. 'दिलवाले' चित्रपट 2015 ला रिलीज झाला. या चित्रपटात शाहरुख खान, काजोल खान, वरुण धवन आणि क्रिती सॅनॉन मुख्य भूमिकेत झळकले. या चित्रपटाने जगभरात अंदाजे ₹३७२–३८८ कोटींची कमाई केली. या चित्रपटात विनोद खन्ना यांनी शाहरुख खानच्या वडिलांची म्हणजे रणधीर बक्षी यांची भूमिका साकारली होती. या भूमिकेसाठी त्यांचे खूप कौतुक देखील करण्यात आले.

विनोद खन्ना यांनी करिअरच्या सुरूवातीला खूप हलाखीची परिस्थितीतून यश मिळवले. १९८० च्या दशकात बॉलिवूडमधून काही काळासाठी निवृत्ती घेऊन अमेरिकेतील ओशो यांच्या आश्रमात (रजनीशपुरम) राहत असताना दिग्गज अभिनेता विनोद खन्ना यांनी स्वच्छतागृहे साफ केली आणि इतर शारीरिक कष्टाची कामेही केली. त्यांनी 'काम हीच साधना' (work as meditation) ही जीवनशैली अंगीकारली. प्रसिद्धीपासून दूर राहून साधेपणाचे जीवन जगण्यासाठी त्यांनी 'स्वामी विनोद भारती' हे नाव धारण केले आणि तिथे माळी, स्वच्छता कर्मचारी म्हणून साधारणपणे पाच वर्षे काम केली. आश्रमातून आल्यावर अभिनेत्याने अनेक सुपरहिट चित्रपट दिले. यात 'दयावान' आणि 'क्षत्रिय' यांसारख्या अनेक चित्रपटांचा समावेश होता. त्याचा 'चांदनी' हा चित्रपट प्रचंड यशस्वी ठरला.