Athiya- K.L. Rahul: नुकतेच अथिया शेट्टी आणि क्रिकेटर के.एल. राहुलने गाठ बांधली. खंडाळ्यातील सुनील शेट्टीच्या फार्महाऊसवर काही थोड्या पाहुण्यांच्या उपस्थितीतच लग्न समारंभ पार पडला. यावेळी अथिया आणि के.एल. राहुलचे जवळचे मित्र आणि कुटुंबीय उपस्थित होते. सोबतच लग्नातील काही फोटोही सोशल मीडियावर वाऱ्यासारखे व्हायरल झाले. पण या सर्वात जास्त चर्चा होते ती, त्यांच्या महागड्या गिफ्ट्सची.

अथिया शेट्टी आणि के.एल.राहुलला अनेकृ महागडे भेटवस्तू मिळाल्याची माहिती सध्या सोशल मीडियावर बरीच व्हायरल होत आहे. या जोडप्याला त्यांच्या लग्नात एकापेक्षा एक महागड्या वस्तू मिळाल्याची चर्चा सुरू आहे. या भेटवस्तूंमध्ये अनेक महागड्या गोष्टी देखील आहेत. अथिया आणि राहुलला मुंबईत ५० कोटींचे अलिशान घर, अलिशान कार, महागडे घड्याळ आणि बाईक्स सोबतच डायमंड ब्रेसलेट.या भेट वस्तू आथिया- राहुलला बॉलिवूडमधील अनेक दिग्गज सेलिब्रिटींसह काही क्रिकेटर्सने दिले आहेत.

या भेटवस्तूंबाबत सुरू असलेल्या चर्चांना काहीच तथ्य नसल्याचे कुटुंबाने सांगितले. याबाबत एका इंग्रजी संकेतस्थळाला दिलेल्या माहितीप्रमाणे, या जोडप्याच्या कुटुंबीयांकडून माहिती घेतली असता, त्यांनी या बातम्या पूर्णपणे चुकीच्या असून त्यात तथ्य नसल्याचे सांगितले.

आता तरी, अथिया आणि के.एल. राहुलच्या लग्नात आलेल्या गिफ्ट्सच्या चर्चांना आता तरी पुर्णविराम मिळण्याची शक्यता आहे. अथिया आणि के.एल. राहुलने 23 जानेवारीला लग्नगाठ बांधली. अलीकडेच अथिया शेट्टी आणि सुनील शेट्टीने लग्नाचे अनेक फोटो शेअर केले आहेत आणि त्यासोबतच त्यांच्या भावनिक पोस्ट्सही चर्चेत आहेत.