Annu Kapoor Health Update: अभिनेते अन्नू कपूर यांची प्रकृती बिघडली, छातीत दुखू लागल्याने रुग्णालयात दाखल

Annu Kapoor: प्रसिद्ध अभिनेते अन्नू कपूर यांची तब्येत बिघडल्याने त्यांना रुग्णालयात दाखल करण्यात आलं आहे. छातीत दुखू लागल्याने त्यांना रुग्णालयात दाखल करण्यात आलं आहे. सध्या त्यांची प्रकृती स्थिर असून ते बरे असल्याचे डॉक्टरांनी सांगितलं आहे. (Bollywood News)

डॉक्टरांनी दिलेल्या माहितीनुसार, अन्नू कपूर यांना २६ जानेवारीला सकाळी सर गंगाराम रुग्णालयात दाखल करण्यात आले. अन्नू कपूर यांच्या छातीत दुखत असल्याने त्यांना रुग्णालयात दाखल करण्यात आले. कार्डिओलॉजीचे डॉक्टर त्यांच्यावर उपचार करत असून त्यांची प्रकृती स्थिर आहे. (Latest Marathi News)

अन्नू कपूर यांची कारकीर्द

अन्नू कपूर उत्तम अभिनेते आहेतच, सोबतच एक अप्रतिम गायक देखील आहेत. याशिवाय ते दिग्दर्शक, रेडिओ जॉकी आणि टीव्ही होस्टही राहिले आहेत. त्यांनी बॉलिवूडच्या 100 हून अधिक चित्रपटांमध्ये काम केलं आहे.

यासोबतच ते टीव्ही शोचाही भाग राहिले आहेत. त्यांनी त्यांच्या कारकिर्दीत राष्ट्रीय पुरस्कार, फिल्मफेअर पुरस्कार आणि टीव्ही अकादमी पुरस्कार जिंकले आहेत.