Prithviraj Sukumaran Meet With On-Set Accident : मल्याळम अभिनेता पृथ्वीराज सुकुमारन याचा आगामी चित्रपट 'विलायथ बुद्धा'च्या शूटिंगदरम्यान अपघात झाला आहे. अभिनेत्याच्या पायाला दुखापत झाली असून आज त्याच्यावर की शस्त्रक्रिया होणार आहे. डॉक्टरांच्या सल्ल्यानुसार तो काही आठवड्यांसाठी ब्रेक घेणार असल्याचे सांगण्यात येत आहे.

पृथ्वीराज 'विलायथ बुद्धा'च्या सेटवर एका फाईट सिक्वेन्सचे शूटिंग करत असताना त्याचा अपघात झाला. कोचीनमधील मरयूर येथे हे शूटिंग सुरू होते. अभिनेत्याला उपचारासाठी जवळच्या खासगी रुग्णालयात दाखल करण्यात आले. डॉक्टरांच्या सल्ल्यानुसार आज त्याच्यावर शस्त्रक्रिया करण्यात येणार असून काही आठवडे तो विश्रांती घेणार आहेत. (Latest Entertainment News)

पृथ्वीराजला पूर्णपणे बरे होण्यासाठी सुमारे 2 ते 3 महिने ब्रेक घेऊन रेस्ट करावा लागेल, असे सांगण्यात येत आहे. अद्याप अभिनेता किंवा रुग्णालय व्यवस्थापनाने याबाबत अधिकृत घोषणा केलेली नाही.

विलायथ बुद्धाचे दिग्दर्शन जयन नांबियार यांनी केले आहे, यापूर्वी त्यांनी अय्यप्पनम कोशियुममध्ये दिवंगत दिग्दर्शक सचीचे सहाय्यक म्हणून काम केले आहे. विलायथ बुद्ध हे त्याच नावाच्या जीआर इंदुगोपन यांच्या कादंबरीचे चित्रपटामध्ये रूपांतर करण्यात येत आहे.

Upcoming चित्रपट

पृथ्वीराज सुकुमारनच्या आजपर्यंतच्या कारकिर्दीतील सर्वात महत्त्वाकांक्षी चित्रपटांपैकी एक 'आदुजीविथम'चा ट्रेलर सोशल मीडियावर समोर येताच या चित्रपटाला ऑनलाइन लीकचा सामना करावा लागला. असे असूनही, ट्रेलर नेटकऱ्यांना खूप आवडला आहे. बेन्यामीनच्या त्याच नावाच्या बेस्ट-सेलर कादंबरीवर आधारित सर्वायव्हल ड्रामा आदुजीविथम, ब्लेसी यांनी दिग्दर्शित केला आहे.

अभिनेता-दिग्दर्शक त्यांच्या आगामी बॉलिवूड प्रोजेक्ट बडे मियाँ छोटे मियाँमध्ये व्यस्त आहे. अक्षय कुमार आणि टायगर श्रॉफ मुख्य भूमिकेत असलेल्या या चित्रपटात तो कबीरची भूमिका करत आहे.