बिग बॉसमुळे चर्चेत असलेली जोडी म्हणजे निक्की आणि अरबाज. निक्की आणि अरबाजच्या केमिस्ट्रीने प्रेक्षकांचं चांगलंच मनोरंजन होत आहे. कधी एकमेकांच्या प्रेमात तर कधी एकमेकांशी कचाकच भांडणारी ही जोडी खरंच एकमेकांच्या प्रेमात पडलीये का? का होतेय सोशल मीडियावर या दोघांच्या नात्याची चर्चा याबाबत सविस्तर जाणून घेऊया.

बिग बॉस मराठी ५ चा सुरू आहे. रितेश देशमुखे बिग बॉस मराठी होस्ट करत आहेत. ब्लॉगर, कन्टेटंर, युट्यूबर आणि अभिनेत्रीचा यात सहभाग आहे. आतापर्यत बिग बॉस मराठीचे सहा आठवडे झाले आहेत. सातवा आठवडा सुरू आहे.

बिग बॉसच्या घरात पहिल्यापासूनच अरबाज आणि निक्की एकमेकांचे चांगले मित्र बनले होते. त्या दोघांची एक टिम बनली. या टिममध्ये जान्हवी, निक्की, घनश्याम आणि अरबाज होता. या चौघांचं बॉन्डिग बनलं. यानंतर पुढे निक्की आणि अरबाजमधली मैत्री वाढली. दोघे एकमेकांसोबत गप्पा मारू लागले. एकमेकांसोबत बराच वेळ घालवल्यानंतर या दोघांची मैत्री झाली. काही दिवसांनी मैत्रीचे रूपांतर प्रेमात झालं अशी चर्चा सुरू झाली. याच एकमेव कारण म्हणजे अभिजीत आणि निक्कीची मैत्री.

बिग बॉसच्या घरात दोघा- दोघांच्या जोड्या बनवल्या. यामध्ये निक्की -अभिजीतची जोडी आणि आर्या- अरबाजची जोडी बनवली होती. याच आठवड्यात निक्की आणि अभिजीतची मैत्री झाली. याचा राग अरबाजला आलेला दिसून आला. यानंतर अरबाजने निक्कीशी वाद केला यामुळे सोशल मीडियावर या दोघांच्या नात्याबाबत अटकळ्या लावल्या गेल्या.

अरबाजची गर्लफ्रेंड लिझा चर्चेत

बिग बॉसच्या घरातील निक्की आणि अरबाजची खेळी पाहल्यानंतर सोशल मीडियावर अरबाजची गर्लफ्रेंड लिझा बिद्राला नेटकरी प्रश्न विचारू लागले. अलिकडेच अरबाजने तो रिलेशनशिपमध्ये असल्याचे स्पष्ट केले होते. अरबाज इनफ्ल्युएंसर लिझा बिद्रासोबत रिलेशनशिपमध्ये आहेत. या दोघांनी त्याचे अनेक फोटो पोस्ट केले आहेत. याचदरम्यान निक्की आणि अरबाजशी जवळीक वाढल्यानंतर नेटकऱ्यांनी गर्लफ्रेंड लिझाला प्रश्न केले आहेत.