Disha Patani: बॉलिवूड अभिनेत्री दिशा पाटनीच्या बरेली येथील घराबाहेर झालेल्या फायरिंगच्या घटनेनंतर दिशाने पहिला पब्लिक अपीयरन्स दिला आहे. अमेरिकेतील न्यूयॉर्क येथे आयोजित करण्यात आलेल्या कॅल्विन क्लेनच्या विशेष कार्यक्रमात ती सहभागी झाली होती. या कार्यक्रमात दिशा पाटनी ब्लॅक ड्रेस आणि हाय हील्समधील ग्लॅमरस लूकमध्ये दिसली. यावेळी तिने रेड कार्पेटवर कॅमेऱ्यासमोर हसत पोझ दिली.

काही दिवसांपूर्वी बरेलीतील तिच्या घराबाहेर अज्ञात व्यक्तींनी केलेल्या फायरिंगमुळे पाटनी कुटुंब हादरले आहे. दिशाचे वडील जगदीश पाटनी यांनी दिलेल्या माहितीनुसार, दोन बाइकस्वारांनी अचानक घराजवळ येत अंदाजे ८ ते १० गोळ्या झाडल्या. या घटनेनंतर पोलिसांनी सुरक्षा वाढवली असून तपास सुरू आहे.

दरम्यान, या घटनेनंतर दिशाच्या या पहिल्या पहिला पब्लिक अपीयरन्सने चाहत्यांचे आणि बॉलिवूडमधील कलाकारांचे लक्ष वेधले आहे. अभिनेत्री मोनी रॉय हिने सोशल मीडियावर दिशाच्या पोस्टवर “माय बेबी” असे लिहून आपला प्रतिसाद दिला. तर अनेक चाहत्यांनी दिशा पाटनीच्या धैर्याचे कौतुक करत, "तुझे कुटुंब किंवा तू एकटी नाहीस दिशा" असे बोलून धीर दिला आहे. यासह अभिनेत्री जॅकलिन फर्नांडेझने देखील कमेंट केली आहे.

या सगळ्या प्रतिक्रियांमधून दिशा पाटनीबद्दल चाहत्यांचे आणि सेलेब्सचे प्रेम स्पष्ट दिसून आले. बरेलीतील घटनेनंतरचा तणाव अजूनही सुरू असला, तरी न्यूयॉर्कमधील या कार्यक्रमात आत्मविश्वासाने हजेरी लावून दिशाने आपली धैर्यशील प्रतिमा पुन्हा अधोरेखित केली आहे.