April May 99 Saam Tv
मनोरंजन बातम्या

April May 99 : यंदाची उन्हाळ्याची सुट्टी होणार अविस्मरणीय; 'एप्रिल मे ९९' मध्ये 'जाई'ची खास एंट्री

April May 99 Marathi Movie: रोहन मापुस्कर दिग्दर्शित ‘एप्रिल मे ९९’ चित्रपटातील तीन कलाकारांचे चेहरे समोर आले होते. आता या चित्रपटातील चौथ्या मैत्रीणची ओळख करुन देण्यात आली आहे.

ब्युरो रिपोर्ट, साम टीव्ही, मुंबई

April May 99 Marathi Movie: रोहन मापुस्कर दिग्दर्शित ‘एप्रिल मे ९९’ या चित्रपटातील (कृष्णा) आर्यन मेंगजी, प्रसाद (श्रेयस थोरात) व (सिद्धेश) मंथन काणेकर हे त्रिकुट प्रेक्षकांसमोर आले. या तिघांची गाण्यातून, टीझरमधून सर्वांशी ओळख होत असतानाच एक पाठमोरा चेहरा यात सतत दिसत होता आणि हा चेहरा कोणाचा असेल, याची उत्सुकता सगळ्यांनाच लागली होती. अनेक तर्कवितर्क काढले जात असतानाच आता हा चेहरा समोर आला आहे. तर हा चेहरा आहे कृष्णा, प्रसाद आणि सिद्धेश यांची मैत्रीण जाईचा. त्यामुळे आता ही गँग एकत्र आल्याने 'एप्रिल मे ९९' ची सुट्टी अविस्मरणीय ठरणार हे नक्की !

जाईची भूमिका साकारणारी साजिरी जोशी ही अभिनेत्री ऋजुता देशमुखची मुलगी असल्याने अभिनयाचा वारसा तिला आईकडूनच मिळाला आहे. ‘एप्रिल मे ९९’ या चित्रपटातून ती सिनेसृष्टीत पदार्पण करत आहे. हुशार, समजुतदार, गोड, दिलखुलास अशी जाई या तीन मित्रांबरोबर उन्हाळ्याच्या सुट्टीत धमाल करताना दिसत आहे.

दिग्दर्शक रोहन मापुस्कर म्हणतात, “काही वर्षांपूर्वी एका चित्रपटासाठी मी साजिरीची ऑडिशन घेतली होती. परंतु त्या व्यक्तिरेखेशी ती मिळतीजुळती नसल्याने तिची निवड झाली नाही. परंतु तिची निरागसता, कुरळे केस, बोलके डोळे, हावभाव माझ्या लक्षात राहिले. त्यामुळे हे माझ्या मनात होतेच, की जेव्हा मी एखादा चित्रपट बनवेन तेव्हा साजिरीला नक्की एखादी भूमिका देणार. 'एप्रिल मे ९९' बनवताना साजिरीलाच डोक्यात ठेवून 'जाई'ची व्यक्तिरेखा लिहिण्यात आली. तिच्या अभिनयात सहजता व नैसर्गिकता असल्याने जाई अनेकांना आपल्यातलीच एक वाटेल. कृष्णा, प्रसाद आणि सिद्धेश यांना प्रेक्षकांकडून खूप प्रेम मिळाले तशीच जाईही प्रेक्षकांना नक्कीच भावेल.''

मापुस्कर ब्रदर्स इन असोसिएशन फिंगर प्रिंट फिल्म्स, नेक्सस अलायन्स, थिंक टँक आणि मॅगीज पिक्चर्स प्रस्तुत 'एप्रिल मे ९९’ या चित्रपटाचे लेखन आणि दिग्दर्शन रोहन मापुस्कर यांनी केले असून राजेश मापुस्कर, मधुकर कोटीयन, जोगेश भूटानी , मॉरिस नून हे निर्माते आहेत तर लॉरेन्स डिसोझा सह निर्माते आहेत. येत्या मे महिन्याच्या सुट्टीत म्हणजेच १६ मे रोजी हा चित्रपट सर्वत्र प्रदर्शित होणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Fact Check: सचिन तेंडुलकरची लेक लवकरच होणार देओल कुटुंबाची सून? सनी देओलच्या मुलासोबत जोडलं नाव

Monday Horoscope: आज या राशींचे नशीब चमकणार! कोणाला मिळणार आनंदाची बातमी, तर कोणाला करावा लागणार खर्च?

Hyderabad Terror Threat: 26/11 सारख्या हल्ल्याचा कट,300 जण टार्गेटवर; धमकीच्या पत्राने हैदराबाद हादरलं! पोलिसांचा हाय अलर्ट

Self Reflection : जाता-येता आरशात स्वत:ला बघणारी व्यक्ती नक्की काय विचार करते? काय आहे त्यामागील मानसशास्त्र

७५ जिल्ह्यांत अचानक बत्ती गुल अन् सायरनचा टँव टँव आवाज; राज्यात खळबळ, नेमकं काय घडलं?

SCROLL FOR NEXT