महेश टिळेकर (Mahesh Tilekar) हे प्रसिद्ध लेखक, दिग्दर्शक आणि निर्माता आहेत. त्यांनी आजवर अनेक चांगल्या कलाकृती निर्माण केल्या आहेत. त्यांनी आजवर अनेक मराठी कलाकारांसोबत काम केले आहे. त्यांच्या वाट्याला अनेक अनुभव आले आहेत. त्यातील एका अभिनेत्रीचा किस्सा महेश टिळेकर यांनी एक मुलाखतीत सांगितला आहे. नेमकं झालं काय, जाणून घेऊयात.

महेश टिळेकर यांनी लोकमत फिल्मीला दिलेल्या मुलाखतीत त्याच्यासोबत घडलेला एक प्रसंग सांगितला आहे. एका अभिनेत्रीने घर मिळाल्यावर तिने कशी वागणूक दिली याचा खुलासा त्यांनी केला आहे. महेश टिळेकर यांनी मुलाखतीत सांगितले की, "मी 2010मध्ये 12 कलाकारांना CM कोट्यातून घर मिळवून दिली. माझ्या एका सहकार्याचा फ्लॅट एका अभिनेत्रीला खूप आवडला. तो फ्लॅट चांगल्या व्ह्यूचा होता. तेव्हा मला एका अभिनेत्रीने सांगितले की मला हा फ्लॅट पाहिजे कारण घराचा नंबर माझ्यासाठी खूप लकी आहे."

पुढे महेश टिळेकर म्हणाले की, "मग मी सहकार्याशी बोलून ते घर अभिनेत्रीला मिळवून दिले. मात्र ती तिथे स्वतः राहीला आली नाही. घराचे सर्व फर्निचर करून घेतले. फक्त क्षणभर विश्रांतीसाठी मित्रांसोबत ती येथे यायची. त्यानंतर तिने तो फ्लॅट 5 वर्षांनी विकला. फ्लॅट विकताना तिला त्या व्ह्यूचे जास्त पैसे मिळाले. मग या गोष्टीची जाणीव त्या अभिनेत्रीने ठेवायला हवी ना."

शेवटी महेश टिळेकर म्हणाले," म्हणजे माझ्या सहकार्याने आपला फ्लॅट बदलून तुला दिला, त्या पडद्यामागच्या कलाकाराला काहीतरी तू द्यायला हवे ना...पण तिने असे काहीच केले नाही. मग मी तिला फोन केला. तेव्हा ती म्हणाली की, "मी त्याला चांदीचे निरांजन देणार..." अशी माणूस शून्य लोक आहेत. "