Anand Gandhi Slams Kantara: ऋषभ शेट्टी दिग्दर्शित 'कांतारा' चित्रपट प्रदर्शित झाल्यापासून बराच चर्चेत आहे. कधी बॉक्स ऑफिसवर केलेल्या कमाईमुळे तर कधी विवादांमुळे असा बऱ्याचदा हा चित्रपट चर्चेत राहिला आहे. 'तुंबाड' चित्रपटाचे दिग्दर्शक आनंद गांधी यांनी या चित्रपटावर तीव्र प्रतिक्रिया दिली असून विषारी मानसिकतेला प्रोत्साहन देणारा चित्रपट असल्याचे वर्णन केले आहे. सोबतच, चित्रपटातील वनदेवाची कथा अनेक प्रेक्षकांना आवडली. सोबतच चित्रपटावर कॉपीराईटचा आरोपही बऱ्याचदा लावण्यात आला आहे.

या वर्षात चित्रपटाने बॉक्स ऑफिसवर रेकॉर्ड ब्रेक कमाई करत 2022 मध्ये सर्वात हिट चित्रपटांपैकी एका चित्रपटाचा त्याला मान मिळाला. आता, 'तुंबाड'चे दिग्दर्शक आनंद गांधी यांनी हा चित्रपट ओटीटी प्लॅटफॉर्मवर प्रदर्शित झाल्यानंतर पाहिला आणि याच कारणावरून चित्रपटाच्या दिग्दर्शकाची खरडपट्टी काढली आहे.

आनंद गांधींनी त्यांच्या ट्विटर हँडलवर पोस्ट करत लिहिले की, "कांतारा चित्रपट तुंबाड सारखा नाही. 'तुंबाड'मागील माझी कल्पना म्हणजे दहशतवादाचा वापर आणि अतिरेकीपणसाठी रूपक म्हणून होता. 'कांतारा' हा त्यांचा उत्सव आहे." आनंदने 'तुंबाड' हा चित्रपट बनवला, जो एक सस्पेन्स हॉरर लोककथा दाखवणारा चित्रपट होता. जरी तो बॉक्स ऑफिसवर फारसा चालला नसला तरी, देशभरात समीक्षकांनी त्याची चांगली प्रशंसा केली आहे.

मात्र, हे ट्विट व्हायरल होताच नेटकऱ्यांनी त्यावर आपल्या प्रतिक्रिया द्यायला सुरुवात केली. काहींनी आनंद गांधी यांच्याशी सहमती दर्शवली, तर नेटकऱ्यांनी त्यांच्यावर जोरदार टीका केली आहे. त्यांच्यापैकी एका नेटकऱ्याने लिहिले की, "कांतारा गुंतागुंतीच्या कथेमुळे आवडलेला नाही, तर ती खऱ्या भारतीय तुलुनाडू संस्कृतीशी संबंधित असल्यामुळे ती कथा आवडली. ज्याने हा एक असा चित्रपट बनवला जो इतरत्र कुठेही बनवू शकला नाही." कांताराच्या दिग्दर्शकाला ट्रोलिंगला सामोरे जाण्याची ही पहिलीच वेळ नाही.