रणवीर सिंहचा 'धुरंधर' चित्रपट 5 डिसेंबर 2025 ला थिएटरमध्ये रिलीज झाला आहे. 'धुरंधर' चित्रपट आदित्य धर याचा आहे. 'धुरंधर'ने वीकेंडला बंपर कमाई केली आहे. 'धुरंधर' लवकरच 200 कोटींचा टप्पा पार करेल. 'धुरंधर' मधील रणवीर सिंह आणि सारा अर्जुनचा रोमँटिक अंदाज चाहत्यांना खूप आवडला आहे. 'धुरंधर' हा ॲक्शन चित्रपट आहे. चार दिवसांत 'धुरंधर'ची कमाई जाणून घेऊयात.

'धुरंधर' बॉक्स ऑफिस कलेक्शन दिवस 4

• पहिला दिवस - 28 कोटी रुपये

• दुसरा दिवस - 32 कोटी रुपये

• तिसरा दिवस - 43 कोटी रुपये

• चौथा दिवस - 23 कोटी रुपये

• एकूण - 126 कोटी रुपये

रेकॉर्ड ब्रेक कामगिरी

'धुरंधर' चित्रपटाने रणवीर सिंह आणि दीपिका पदुकोण यांच्या 'गोलियों की रासलीला राम-लीला' चित्रपटाला मागे टाकले आहे, ज्याची बॉक्स ऑफिसवर एकूण कमाई 117.53 रुपये आहे. 'धुरंधर' 2025 मधील दुसऱ्या क्रमांकाचा सर्वाधिक ओपनिंग मिळवणारा चित्रपट ठरला, ज्यामध्ये अहान पांडे आणि अनित पड्डा यांच्या 'सैयारा'ला मागे टाकले आहे.

'धुरंधर' पाहून रणवीर सिंहची बायको आणि बॉलिवूडची मस्तानी दीपिका पादुकोणने चित्रपटाचे खूप कौतुक केले. 'धुरंधर' चित्रपटात रणवीर सिंह मुख्य भूमिकेत आहे. त्याने चित्रपटासाठी सर्वाधिक फी घेतली आहे. मीडिया रिपोर्टनुसार,'धुरंधर' साठी रणवीरने तब्बल 30-50 कोटी रुपये मानधन घतेल. तर साराने चित्रपटातून 1 कोटी रुपये कमावले आहेत.

'धुरंधर'चे कलाकार

कंधार अपहरण आणि २६/११ च्या मुंबई दहशतवादी हल्ल्यांसह अनेक सत्य घटनांपासून चित्रपट प्रेरित आहे. 'धुरंधर' चित्रपटात रणवीर सिंहसोबत संजय दत्त, अर्जुन रामपाल, सारा अर्जुन, अक्षय खन्ना, आर माधवन, राकेश बेदी हे तगडे कलाकार झळकले आहेत. मीडिया रिपोर्टनुसार, 'धुरंधर' अंदाजे 280 कोटींच्या बजेटमध्ये बनलेला चित्रपट आहे.