Chhaava Movie : सध्या संपूर्ण महाराष्ट्रात 'छावा' (Chhaava) चित्रपटाची चर्चा सुरु आहेत. चाहाते आतुरतेने 'छावा' चित्रपट प्रदर्शनाची वाट पाहत आहेत. 'छावा' चित्रपट 14 फेब्रुवारीला प्रेक्षकांच्या भेटीला येणार आहे. चित्रपटाचा ट्रेलर रिलीज झाल्यानंतर अनेक वाद-विवाद सुरू झाले होते. मात्र तरी देखील प्रेक्षक चित्रपट पाहण्यास उत्सुक आहेत. 'छावा' चित्रपटात हिंदीसह अनेक मराठी कलाकार देखील पाहायला मिळणार आहेत त्यातील एक म्हणजे संतोष जुवेकर. संतोषने या चित्रपटातील त्याची एक भावनिक आठवण सांगितली आहे.

विकी कौशलच्या 'छावा' चित्रपटात मराठमोळा अभिनेता संतोष जुवेकर महत्वपूर्ण भूमिका साकारत आहे. त्याने चित्रपटात रायाजींची भूमिका साकारली आहे. राजश्री मराठीने घेतलेल्या मुलाखतीत संतोषने या चित्रपटातील एक भावनिक प्रसंग सांगितला आणि यावेळी तो प्रसंग आठवून संतोषला अश्रू अनावर झाले. हा त्याच्या व्हिडीओ झपाट्याने सोशल मिडीयावर व्हायरल होत आहे.

संतोष म्हणाला, मी जास्त काही सांगू शकणार नाही पण, चित्रपटात एक प्रसंग आहे जेव्हा रायाजींचा काळ जवळ आलेला असतो. आणि ते पाहतात की माझ्यानंतर आता राजे एकट आहेत. हा प्रसंग करताना मी खूप रडलो. कारण तो सीन सुरु असताना मला जाणवल की खरचं राजे एकटे होते. असे बोलता संतोषला अश्रू अनावर झाले.

मराठमोळे दिग्दर्शक लक्ष्मण उतेकर यांच्या 'छावा' या चित्रपटात संतोष जुवेकर व्यतिरिक्त सुव्रत जोशी, सारंग साठ्ये, आस्ताद काळे, मनोज कोल्हटकर, शुभंकर ऐकबोटे, किरण करमरकर आणि नीलकांती पाटेकर आदी मराठी कलाकारांच्या महत्वपूर्ण भूमिका आहेत.