देशभरात धुलीवंदनाचा उत्साह असताना मनोरंजन क्षेत्रात शोककळा पसरली आहे. 'ब्रह्मास्त्र' चित्रपटाचा दिग्दर्शक अयान मुखर्जीच्या (Ayan Mukerji) कुटुंबावर दुःखाचा डोंगर कोसळला आहे. अयान मुखर्जीचे वडील अभिनेते देब मुखर्जी यांचे दुःखद निधन झाले आहे. वयाच्या ८३व्या वर्षी देब मुखर्जी (Deb Mukerji) यांनी अखेरचा श्वास घेतल आहे. यामुळे बॉलिवूड सेलिब्रिटींनी अयान मुखर्जीच्या घरी धाव घेतली आहे. अयान मुखर्जीचे जवळचे मित्र रणबीर कपूर आणि आलिया भट्टही आलिबागहून मुंबईत परतले आहेत.

आज (15 मार्च) आलिया भट्टचा वाढदिवस आहे. आलिया (Alia Bhatt) आता 32 वर्षांची झाली आहे. रणबीर कपूरने (Ranbir Kapoor) खूप थाटात आलियाचे प्री बर्थडे सेलिब्रेशन केले. आलियाचा वाढदिवस साजरा करण्यासाठी रणबीर आणि आलिया आलिबागला गेले होते. मात्र अयानच्या वडीलांच्या निधनाची बातमी ऐकताच ते पुन्हा मुंबईत आले.

अयान मुखर्जीच्या वडीलांचे निधन 14 मार्चला झाले. मुंबईला येताच रणबीर आणि आलिया अयान मुखर्जीच्या घरी गेले. तेव्हा अयानच्या घरी त्याच्या वडीलांना श्रद्धांजली वाहण्यासाठी येणाऱ्या कलाकारांना रणबीर भेटताना दिसला. बॉलिवूडचे अनेक कलाकार अयान मुखर्जीच्या घरी आले होते. यात करण जौहर, जया बच्चन, सलीम खान अशा अनेक सेलिब्रिटींचा समावेश होता.

संध्याकाळी देब मुखर्जी यांच्यावर विर्लपार्लेच्या पवन हंस स्मशानात अंत्यसंस्कार करण्यात आले. यावेळी रणबीर कपूर देब मुखर्जी यांच्या पार्थिवाला खांदा देताना दिसला. त्याचा हा व्हिडीओ सोशल मीडियावर खूप व्हायरल होत आहे. मीडिया रिपोर्टनुसार, खूप दिवसांपासून देब मुखर्जी आजारी होते. त्यांच्यावर रुग्णालयात उपचार सुरू होते. पण अचानक काल त्यांनी अखेरचा श्वास घेतला.

देब मुखर्जी करिअर

देब मुखर्जी हे उत्तम अभिनेता आहेत. त्यांनी 60 आणि 70च्या दशकात अनेक चित्रपटात काम केले आहे. त्यांचे कराटे, बातों बातों में, मै तुलसी तेरे आंगन की, जो जीता वही सिकंदर अशा अनेक चित्रपटांत महत्त्वाची भूमिका साकारल्या आहेत.