Sonakshi Sinha New House:

बॉलिवूड (Bollywood) अभिनेत्री सोनाक्षी सिन्हा (Actress Sonakshi Sinha) नेहमीच आपल्या चित्रपट आणि वैयक्तिक आयुष्यामुळे खूपच चर्चेत असते. यावेळी सोनाक्षी सिन्हा पुन्हा चर्चेत आली आहे. त्यामागचे कारण म्हणजे सोनाक्षीने मुंबईमध्ये आलिशान घर खरेदी केले आहे. सोनाक्षीने समुद्रकिनाऱ्याजवळ असलेल्या आलिशान बिल्डिंगमध्ये हे घर खरेदी (Sonakshi Sinha Bought New Flat) केलं आहे. या घराची किंमत ऐकून तिचे चाहते आश्चर्यचकीत झाले आहेत.

सोनाक्षी सिन्हाने मुंबईतल्या वांद्रे परिसरामध्ये हायराइज बिल्डिंगमध्ये आलिशान फ्लॅट खरेदी केला आहे. सोनाक्षीचे हे नवं घर २६ व्या मजल्यावर आहे. तिच्या घरातून समुद्र स्पष्टपणे दिसतो. सोनाक्षीच्या घराची किंमत ११ कोटी रुपयांच्या आसपास असल्याचे सांगितले जात आहे. सोनाक्षीने याचवर्षी मे महिन्यामध्ये एक लग्झरी अपार्टमेंट खरेदी केले होते. त्याचे फोटो तिने सोशल मीडियावर शेअर केले होते. यावर तिने कॅप्शनमध्ये 'घर बनवणं सोपं नाही' असं लिहिलं होतं.

मीडिया रिपोर्ट्सनुसार, सोनाक्षी सिन्हाने २२०८.७७ स्क्वेअर फूटचा फ्लॅट खरेदी केला आहे. जो वांद्रेच्या उच्चभ्रू वस्तीमध्ये तिने हे घर घेतलं आहे. सोनाक्षी सिन्हाचा नवीन फ्लॅट लक्झरींनी भरलेला आहे. ज्यामध्ये चार वाहनांसाठी पार्किंगची जागा देखील आहे. सोनाक्षी सिन्हाने ऑगस्ट २०२३ मध्ये तिच्या नवीन फ्लॅटची नोंदणी केली आहे. यासाठी अभिनेत्रीने ५५ लाख रुपये स्टॅम्प ड्युटी दिली होती.

सोनाक्षी सिन्हाने तिच्या नवीन घराबाबत कोणतेही अधिकृत वक्तव्य केलेले नाही. पण काही दिवसांपूर्वी अभिनेत्रीने एक फोटो शेअर केला होता ज्यामध्ये ती पॅक केलेल्या सोफा सेटसोबत उभी असलेली पोज देताना दिसली होती. दरम्यान, सोनाक्षी सिन्हाने सलमान खानच्या 'दबंग' चित्रपटातून बॉलिवूडमध्ये पदार्पण केले होते. 'दबंग'नंतर सोनाक्षी 'राउडी राठोड', 'आर...राजकुमार', 'लुटेरा', 'सन ऑफ सरदार', 'अॅक्शन जॅक्सन', 'अकिरा', 'दबंग 3', 'मिशन मंगल' आणि 'डबल एक्सएल' सारख्या अनेक चित्रपटांमध्ये काम केले आहे. सोनाक्षी सिन्हा शेवटची अॅमेझॉन प्राइमच्या रोअर सीरिजमध्ये दिसली होती.