Pathan 3 Day Box Office Collection: बॉलिवूड अभिनेता शाहरुख खानचे ४ वर्षांनंतर मोठ्या पडद्यावर आगमन झाले. प्रदर्शित होताच त्याच्या 'पठान' चित्रपटाने बॉक्स ऑफिसवर धुमाकूळ घातला आहे. बॉयकॉट बॉलिवूड आणि बॉयकॉट पठान सोशल मीडियावर ट्रेंड होत असताना या चित्रपटाने केलेली कामगिरी कौतुकास्पद आहे. बॉलिवूडच्या दिग्गज कलाकारांचे बिग बजेट चित्रपट देखील बॉयकॉट ट्रेंडमुळे फ्लॉप झाले. पण 'पठान' हे सगळ्या गोष्टी मागे टाकल्या आहेत.चला तर पाहूया 'पठान'चे तिसऱ्या दिवसाचे बॉक्स ऑफिस कलेक्शन.

'पठान' चित्रपट पाहण्यासाठी शाहरुखच्या अनेक चाहत्यांनी त्याच्या 'फर्स्ट डे फास्ट शो' बुकिंग केले होते. प्री-बुकिंगमध्येच या चित्रपटाने बरीच कमाई केली होती. चित्रपट प्रदर्शित होताच पहिल्या दोन दिवसात या चित्रपटाने १२७.५० कोटींचा गल्ला जमावाला होता. या चित्रपटाने कलेक्शनच्या बाबतीत जगभरात ऐतिहासिक कामगिरी केली आहे. बॉलिवूडला आपले अस्तित्व टिकविण्यासाठी अशाच एका दमदार चित्रपटाची गरज होती.

भारतीय चित्रपटांच्या इतिहासातील 'KGF: Chapter 2' हा प्रदर्शनाच्या दिवशी सर्वात जास्त कमाई करणारा चित्रपट होता. 'केजीएफ २'च्या हिंदी व्हर्जनने पहिल्या दिवशी ५३.९५ करोडची कमाई केली होती. यशाच्या या चित्रपटाने पहिल्याच दिवशी बॉलिवूड चित्रपटांचे रेकॉर्ड मोडले होते. 'केजीएफ २'नंतर हृतिक रोशन 'वॉर'ने पहिल्या दिवशी ५३.३५ करोडचा एकदा पार केला होता.

तिसऱ्या दिवशी मात्र 'पठान'ची जादू चालली नाही. शुक्रवार हा शेवटचा कार्यालयीन दिवस असल्याने 'पठान' चित्रपटाला बॉक्स ऑफिसवर जास्त गर्दी खेचता आली नाही. तिसऱ्या दिवशी चित्रपटाला ३४-३६ कोटीची कमाई करण्यात यश मिळाले आहे. तर संजू-४६.७१ करोड, बाहुबली २- ४६.५ करोड, केजीएफ २- ४२.९ करोड, टायगर जिंदा है- ४५.५३ करोड आणि दंगल- ४१.३४ करोडचे बॉक्स ऑफिस कलेक्शन केले होते. या सर्व चित्रपटांच्या प्रदर्शच्या तिसऱ्या दिवशी हॉलिडे होता.

'पठान' चित्रपटाने भारतीय बॉक्स ऑफिसवर दुसऱ्या दिवशी ७० करोडची कमाई केली होती. तर जगभरात या चित्रपटाचे दुसऱ्या दिवशीचे कलेक्शन २३५ करोड इतके होते.