Govardhan Asrani passes away : बॉलिवूडचे प्रसिद्ध अभिनेते गोवर्धन असरानी यांनी जगाचा निरोप घेतला आहे. ऐन दिवाळीत सोमवारी असरानी यांचं निधन झालं. त्यांच्या निधनाने बॉलिवूडवर शोककळा पसरली आहे. त्यांनी वयाच्या ८४ व्या वर्षी रुग्णालयात अखेरचा श्वास घेतला. त्यांच्या निधनानंतर असरानी यांची मृत्यूआधीची सोशल मीडिया पोस्ट व्हायरल झाली आहे.

असरानी यांनी ३५० हून अधिक सिनेमांत काम केलं आहे. असरानी यांनी मुंबईतील रुग्णालयात आज सोमवारी दुपारी ३ वाजता अखेरचा श्वास घेतला. असरानींच्या निधनाच्या वृत्ताला त्यांच्या कुटुंबातील सदस्यांनी दुजोरा दिला आहे.

असरानी यांची शोले सिनेमातील जेलरची भूमिका प्रचंड गाजली. त्यांच्या विविध सिनेमातील अनेक भूमिका गाजल्या. त्यांनी भूल भुलैया,धमाल, बंटी और बबली २, आर...राजकुमार, ऑल द बेस्ट, वेलकम यांसारख्या अनेक सिनेमात त्यांनी उल्लेखनीय भूमिका केल्या. असरानी यांनी मृत्यूआधी इस्टाग्रामवर पोस्ट करत चाहत्यांना दिवाळीच्या शुभेच्छा दिल्या होत्या. असरानी यांची दिवाळीची पोस्ट आता व्हायरल होत आहे.