Actress Priyanka Chopra News | मुंबई: बॉलिवूडची देसी गर्ल अभिनेत्री प्रियांका चोप्रा नेहमीच चर्चेत असते. बॉलिवूडसोबत हॉलिवूडमध्येही प्रियांकाने आपल्या अभिनयाचा ठसा उमटवला आहे. प्रियंका चोप्राचा सोशल मीडियावर मोठा चाहता वर्ग आहे. प्रियांकाची प्रोफेशनल लाईफपासून पर्सनल लाइफपर्यंत प्रत्येक गोष्ट सोशल मीडियावर व्हायरल होत असते. सोशल मीडियावर नेहमी अॅक्टिव्ह असणाऱ्या प्रियांकाने नुकतीच एक पोस्ट शेअर केली आहे. जी चाहत्यांचे लक्ष वेधून घेत आहे.

प्रियांका चोप्राने (Priyanka Chopra) तिच्या बालपणीचा एक कधी न पाहिलेला फोटो शेअर केला आहे. फोटोमधे ती दिवंगत डॉ. अशोक चोप्रा यांच्यासोबत दिसते आहे. वडिलांच्या जयंतीदिनाच्या निमित्ताने तिने हा फोटो शेअर केला आहे. प्रियांकाचा हा फोटो वडिलांसोबत पर्यटनासाठी गेली होती, त्यावेळचा आहे. हा फोटो शेअर करत प्रियांकाने वडिलांसोबतच्या तिच्या आठवणींना उजाळा दिला आहे.

प्रियांका चोप्राने तिच्या अधिकृत इन्स्टाग्राम हॅंडलवर फोटो शेअर केला आहे. फोटोमध्ये प्रियांका बर्फाशी खेळत आहे. सोबतच तिचे वडील अशोक चोप्रा हे देखील आहेत. प्रियांका लहानपणीच्या या फोटोमध्ये वडिलांसोबत आनंदात दिसते. तिच्या चेहऱ्यावर हास्य आहे. प्रियांकाने फोटो काश्मीर व्हेकेशनचे असल्याचे सांगितले आहे. फोटो शेअर करत प्रियांकाने "वाढदिवसाच्या शुभेच्छा बाबा. आम्हाला तुमची आठवण येते. नेहमीच " अशी कॅप्शन दिली आहे. (Bollywood News)

प्रियांका चोप्राच्या या पोस्टवर अनेकांनी लाईक्स कमेंट केल्या आहेत. प्रियांकाच्या या पोस्टवर प्रियांकाचा पती सिंगर निक जोनासने 'रेड हार्ट' इमोजी कमेंट केली आहे. यासह अनेक सेलिब्रिटींनी कमेंट्स केल्या आहेत. खुशी कपूरनेही 'व्हाइट हर्ट' इमोजी पोस्ट केली आहे. याशिवाय प्रियांकाचे चाहते या फोटोवर तिच्या क्यूटनेसचे कौतुक करत प्रेमाचा वर्षाव करत आहेत. काही तासांपूर्वी शेअर केलेल्या या फोटोला २ लाखांहून अधिक लाईक्स मिळाले आहेत.

प्रियांका चोप्राचे वडील डॉ. अशोक चोप्रा हे भारतीय लष्करातील डॉक्टर होते. १० जून २०१३ रोजी कर्करोगामुळे त्याचं निधन झाले. वयाच्या ६२ व्या वर्षी त्यांनी अखेरचा श्वास घेतला. वडिलांच्या निधनानंतर प्रियांका नैराश्यात होती. याबद्दल अनेकदा प्रियांकाने सांगितले आहे. प्रियांकाने तिच्या मनगटावर डॅडिज् लिटील गर्ल असा खास टॅटू काढला आहे.