सोशल मीडियावर पुन्हा एकदा बॉलिवूडचं फेमस कपल मलायका अरोरा आणि अर्जुन कपूर यांच्या ब्रेकअपची चर्चा होत आहे. गेल्या ७ वर्षांपासून मलायका आणि अर्जुन एकमेकांना डेट करीत आहेत. गेल्या अनेक दिवसांपासून त्यांच्या ब्रेकअपची जोरदार चर्चा होत आहे. २६ जूनला अर्जुन कपूरचा ३९ वा वाढदिवस होता. यावेळी बॉलिवूडमधील अनेक सेलिब्रिटींनी उपस्थिती लावली होती. पण मलायकाने उपस्थिती लावलेली नाही. अशातच अर्जुनने ब्रेकअपच्या चर्चांदरम्यान एक इन्स्टा पोस्ट शेअर केली आहे.

अनेकदा सोशल मीडियावर अर्जुन कपूर आणि मलायका अरोराच्या ब्रेकअपच्या चर्चा रंगलेल्या आहेत. अशातच या ब्रेकअपच्या चर्चांदरम्यान अभिनेता अर्जुन कपूरने एक क्रिप्टिक इन्स्टा स्टोरी शेअर केलेली आहे. त्याने पोस्टमध्ये लिहिले की, "नंतर पश्चाताप होण्यापेक्षा आधीच स्वत:ला कोणत्याही गोष्टीची शिस्त लावून घ्या..." अशी क्रिप्टिक पोस्ट त्याने शेअर केलेली आहे.

मलायका आणि अर्जुनचे मार्ग वेगळे असून ते आता एकमेकांना डेट करणार नाहीत, अशी ही चर्चा आहे. एकीकडे मलायकाच्या मॅनेजरने या चर्चा फेटाळल्या आहेत. तर दुसरीकडे अर्जुन आणि मलायका मात्र इन्स्टाग्राम स्टोरीमध्ये विविध पोस्ट शेअर करताना दिसत आहेत. अर्जुन कपूरनंतर आता मलायकानेही तिच्या इन्स्टा स्टोरीमध्ये नवीन पोस्ट शेअर केली आहे. या पोस्टद्वारे तिने तिच्या नात्यावर टीका करणाऱ्यांना सडेतोड उत्तर दिल्याचं समजतंय.

अर्जुन कपूर आणि मलायका अरोरा गेल्या ६ वर्षांपासून एकमेकांना डेट करत आहे. अरबाज खानकडून घटस्फोट घेतल्यानंतर २०१८ मध्ये मलायका आणि अर्जुन रिलेशनशिपमध्ये आले. २०१८ मध्ये, मलायकाच्या ४५ व्या वाढदिवशी दोघांनीही आपल्या नात्याची जाहीरपणे कबुली दिली होती. दोघांमध्येही तब्बल १३ वर्षांचं अंतर आहे. अनेकदा दोघांनाही वयावरून तुफान ट्रोलही करण्यात आलं होतं. कितीही ट्रोल झाले तरीही अनेकदा हे कपल एकत्रित स्पॉट झाले.