अभिनेत्री सुरवीन चावला तिची नुकताच प्रदर्शित झालेली वेबसीरिज 'क्रिमिनल जस्टिस ४'मुळे चांगलीच चर्चेत आहे. सुरवीनच्या अभिनयाचे खूपच कौतुक होत आहे. सध्या सुरवीन या वेबसीरिजचे प्रमोशन करण्यामध्ये खूपच व्यस्त आहे. एका मुलाखतीदरम्यान तिने तिच्यासोबत घडलेल्या एक भयंकर आणि वेदनादायक अनुभव शेअर केला जे ऐकून तिच्या चाहत्यांना मोठा धक्का बसला. सुरवीनने शाळेत असताना तिच्यासोबत ही भयंकर घटना घडली होती. या घटनेची भीती आजही तिच्या मनात आहे.

सुरवीनने सांगितले की, 'जेव्हा मी नववीत होती तेव्हा माझ्यासोबत एक खूपच भयानक घटना घडली होती. मी बाहेर खेळायला गेले होतो तेव्हा एक माणूस सायकलवरून तिथे आला. मला ते चांगलं आठवतंय. त्याने मला त्याच्याकडे बोलावलं. मी त्याच्या दिशेने जाऊ लागले तेव्हा मला दिसलं की तो त्याच्या पँटमधून काहीतरी बाहेर काढत होता आणि मग तो सायकलवर बसून हस्तमैथुन करू लागला. मी यू-टर्न घेतला आणि घराकडे पळत गेले.'

या भयंकर अनुभवाबद्दल सांगताना सुरवीन पुढे म्हणाली की, 'त्यावेळी तो काय करत आहे ते मला समजलं नाही पण मला काहीतरी विचित्र वाटलं. म्हणून मी त्याच्याकडे गेले नाही. या घटनेने मला आतून हादरवून टाकले अशा घटनांमुळे मलींच्या मनात भीती आणि गोंधळ निर्माण होतो. त्यांना त्यावेळी समजत नाही की काय चालले आहे. पण ती गोष्ट त्यांच्या मनात घर करून जाते आणि त्याचा परिणाम बराच काळ राहतो.'