बॉलिवूडची लोकप्रिय अभिनेत्री शिल्पा शेट्टी (Shilpa Shetty) कायमच कोणत्या ना कोणत्या कारणामुळे चर्चेत असते. तिने आपल्या अभिनयाने चाहत्यांना वेड लावले आहे. तिचा सोशल मिडियावर मोठा चाहता वर्ग आहे. ती कायम फिटनेसचे धडे देताना पाहायला मिळते. आता नुकतेच शिल्पा शेट्टीने शिर्डीतील साईबाबांचे (Shirdi Sai Baba) दर्शन घेतले आहे. याची खास पोस्ट तिने सोशल मिडियावर शेअर केली आहे.शिल्पा सहकुटुंब शिर्डीला गेली होती.

शिल्पाने साईबाबांचे दर्शन घेतानाचे फोटो सोशल मिडियावर शेअर केले आहेत. याला तिने एक खास कॅप्शन दिलं आहे. तिने लिहिलं की, "शांततेत, आशीर्वाद आणि संरक्षित...ओम साई राम..." असे तिने लिहिलं आहे. तिच्या या फोटोंवर चाहत्यांकडून कमेंट्सचा वर्षाव होत आहे. तिचा एक व्हिडीओ व्हायरल होत आहे. ज्यात तिने साईबाबा आणि आपले खास कनेक्शन सांगितले आहे.

शिल्पाने एका मिडिया मुलाखतीत सांगितले की," वर्षातून एकदा मी शिर्डीला आवर्जून येते. मला येथे आल्यावर घरचासारखे वाटते. साईबाबांच्या आशीर्वादमुळे मी आज येथे उभी आहे. साईबाबांच्या शिकवणी मी फॉलो करून जगत आहे आणि यापुढे देखील जगेन. फक्त श्रद्धा आणि सबूरी ठेवा. साईबाबा जे काही करतात ते चांगल्यासाठी असते. त्यांच्यावर विश्वास ठेवा. मी शिर्डीला येते तेव्हा कायम तयार होऊन येते. राणी कलर माझा आवडता रंग आहे."

पुढे शिल्पा म्हणाली की, " साईबाबा मला कायमच शक्ती देतात. आज आम्ही मोठा प्रवास करून येथे आलो आहे. पैशांच्या पलीकडे जाणून साईबाबांनी सुख-शांती-समाधान दिलं आहे. जे होत ते चांगल्यासाठी होत असा माझा विश्वास आहे. " शिल्पा आपल्या मुलांसोबत, नवऱ्यासोबत आणि आईसोबत साईबाबांचे दर्शन घेताना दिसली.