मुंबई: गेल्या कित्येक दिवसांपासून रिचा-अलीच्या (Richa Ali Wedding) लग्नाची चर्चा सुरु आहे. अनोखी लग्न पत्रिका, विवाहस्थळ हे मुद्दे चाहत्यांच्या आकर्षणाचा मुद्दा ठरलाय. लवकरच रिचा-अली लग्नबंधनात अडकणार आहेत. दिल्लीला (Delhi) रवाना होण्याआधी विमानतळावर (Airport) पापाराझींनी या जोडीला कॅमेऱ्यात कैद केले आहे.

विमानतळावर रिचा-अली दोघेही दिल्लीला जाण्यासाठी रवाना झाले आहेत. रिचा यावेळी देसी लूकमध्ये दिसत असून तिने पिवळ्या रंगाचा ड्रेस परिधान केला होता. तिच्या साध्या देसी लूकने पापाराझींनी तिला कॅमेऱ्यात कैद केले. तसेच अलीही यावेळी निळ्या ब्लेझरसोबत टी-शर्ट आणि जिन्स घातलेला दिसला.

रिचा-अली यांचे लग्न दिल्लीत होणार असून २९ सप्टेंबरपासून लग्नाच्या विधीला सुरुवात होणार आहे. मिळालेल्या माहितीनुसार, रिचा-अली यांच्या मेहेंदीचा कार्यक्रम दिल्लीतील एका बंगल्यात होणार आहे. त्या बंगल्यात रिचाच्या बालपणाच्या अनेक आठवणी जोडलेल्या आहेत. मेहेंदीनंतर त्याच बंगल्यात संगीत कार्यक्रमाचे आयोजन करण्यात आले असून यावेळी काही खास मित्रपरिवार आणि नातेवाईक या कार्यक्रमासाठी आमंत्रण दिले आहे.

रिचा-अली येत्या ४ ऑक्टोबर रोजी लग्नबंधनात अडकणार आहेत. रिचा-अलीचे लग्न बिकानेरमधील १७५ वर्ष जुने दागिने तयार करुन घेतले आहेत तर १७६ वर्ष जुन्या एका क्लबमध्ये लग्नबंधनात अडकणार आहेत.