Rakhi Sawant Diwali Special Look: काहीतरी हटके करण्याच्या तयारीत बॉलिवूडमधील (Bollywood) अभिनेत्री नेहमीच तयारीत असतात. आपल्या हटक्या कृतींमुळे त्यांची सोशल मीडियावर भरपूर चर्चा होत असते. त्यातीलच एक अभिनेत्री राखी सावंत. राखीच्या विचित्र कृतींमुळे चाहत्यांच्या नजरेसमोर येत असते.

कुठे ही, कोणत्याही अवस्थेत आपल्या चाहत्यांचे मनोरंजन करण्यासाठी राखी (Rakhi Sawant) तत्पर असते. एकदा राखीने हॉस्पिटलमध्येही एक डान्सचा व्हिडिओ शूट करत आपल्या चाहत्यांसाठी शेअर केला होता. सोशल मीडियावर राखीचे अनेक फनी व्हिडिओ, रस्त्यावरचा डान्स, वादग्रस्त वक्तव्य व्हायरल होत असतात. अशातच राखीचा आणखी एक मजेदार व्हिडिओ सोशल मीडियावर व्हायरल होत आहे. (Viral Video)

दिवाळी काही दिवसांवर येऊन ठेपली आहे. सध्या सगळेच दिवाळीच्या खरेदीत व्यग्र आहेत. अगदी कलाकारांपासून जनसामान्यांपर्यंत. राखी सावंतही दिवाळीच्या खरेदीसाठी बाहेर पडली. दिवाळीच्या खरेदीसाठी राखी सावंत लोखंडवाला येथे पोहोचली. यावेळी तिने लाइटिंग वायरला स्वतःला गुंडाळून घेत त्यापासून तिने दिवाळीचा ड्रेसही बनवला. या ड्रेसमध्ये ती कशी दिसते हेही तिनं पापाराझींना विचारलं. तिचा ड्रामा पाहून व्हिडिओवर भन्नाट कमेंट येत आहेत.

व्हिडिओत राखी म्हणते, 'ही लाइटिंग वायर गरम झालीये. मी याला चिटकले नाही म्हणजे बरं. नाहीतर माझी आत्मा इथे भटकेल. भूतनी, चुडैल बनून तुमच्या दुकानात बसून राहिल'. राखी सावंतचा हा व्हिडिओ समोर आल्यानंतर तिच्या या नौटंकीची पुन्हा एकदा सोशल मीडियावर चर्चा होत आहे.

'राखीजी खूपच फनी आहे, तरी म्हटलं सकाळपासून घरातली लाइट का गेलीये, बिनधास्त गर्ल, ती आपलं मनोरंजन करण्याचा एकही चान्स सोडत नाही, अशा अनेक कमेंट व्हिडीओवर येत आहेत. अनेक जण म्हणतात की हिला उर्फीची हवा लागली आहे.

बिग बॉसमुळे ही राखी चर्चेत आली होती. राखीचे काही दिवसांपूर्वी घटस्फोटही झाले होते. अशातच राखी आणि तिचा नवा बॉयफ्रेंड आदिल खान सोबत चर्चा होत आहे. कधी कधी त्यांच्या लग्नाच्या चर्चेलाही बरेच उधाण येते. अनेकदा त्यांना पापाराझींनी त्यांच्या कॅमेऱ्यात कैद केले आहे.

Edit By: Chetan Bodke