बॉलिवूड अभिनेत्री कंगना रणौत यांची मंडी लोकसभेतून खासदार म्हणून निवड झालेली आहे. अभिनेत्रीची खासदार म्हणून निवड झाल्यानंतर कमालीची चर्चेत आली आहे. नुकतंच अभिनेत्रीने वर्क कल्चरवर भाष्य केलं आहे. अभिनेत्रीचा हा सामाजिक संदेश कमालीचा चर्चेत आला आहे.

बॉलिवूड अभिनेत्री कंगना रणौतने आपल्या इन्स्टा स्टोरीवर पंतप्रधान मोदी यांचा एक व्हिडीओ शेअर केला आहे. कॅप्शनमध्ये कंगना म्हणते, "स्वत:ला कामामध्ये व्यस्त ठेवण्याच्या प्रवृत्तीला सामान्य करण्याच्या गरजेवर भर द्यायला पाहिजे. भारतीयांनी कामात आळशी होऊ नये. कारण भारत अजून विकसित देश झालेला नाही." पंतप्रधान नरेंद्र मोदी यांनी दिल्लीतील पीएमओमधील कर्मचाऱ्यांना संबोधन करतानाचा हा व्हिडीओ आहे. या व्हिडीओमध्ये पंतप्रधानांनी भारतीयांच्या कामाच्या पद्धतीवर भाष्य केले आहे. इंस्टाग्राम स्टोरीवर व्हिडीओ शेअर करत अभिनेत्रीने आपले मत व्यक्त केले आहे.

कंगना रणौतने इन्स्टा स्टोरीमध्ये पंतप्रधान नरेंद्र मोदींचा व्हिडीओ शेअर केला आहे. व्हिडीओमध्ये पंतप्रधान राष्ट्र उभारणीसाठी 24x7 काम करण्याविषयी बोलत आहेत. व्हिडीओवर कमेंट करताना कंगना रणौतने वर्क कल्चरवर आपले मत मांडले, "आम्हाला कामामध्ये आवड असणाऱ्या लोकांची गरज आहे. विकेंडची वाट पाहणे आणि सोमवारी मीम्सच्या माध्यमातून कामाची तक्रार करणं थांबवलं पाहिजे. वेस्टर्न कल्चरमुळे अनेक लोकं आळशी झालेले आहेत. भारत देश अजून विकसित राष्ट्र नाही. आपण कामामध्ये आळशी होऊन चालणार नाही." असं कंगनाने कॅप्शनमध्ये लिहिले.